సోషల్ మీడియాని షేక్ చేస్తున్న భారతీయుడు 2?
విశ్వ నటుడు కమల్ హాసన్ ప్రధాన పాత్రలో స్టార్ డైరెక్టర్ శంకర్ తెరకెక్కిస్తోన్న సినిమా 'భారతీయుడు 2'. అగ్ర నిర్మాణ సంస్థ లైకా ప్రొడక్షన్స్ తో పాటు ప్రముఖ నిర్మాణ సంస్థ రెడ్ జెయింట్ బ్యానర్పై సుభాస్కరన్ నిర్మిస్తోన్న ఈ భారీ బడ్జెట్ సినిమాపై అంచనాలు చాలా ఎక్కువగానే ఉన్నాయి.కమల్, శంకర్ కాంబినేషన్లో 1996లో విడుదలైన ఇండియన్ (భారతీయుడు) సినిమా బాక్సాఫీస్ దగ్గర రికార్డ్స్ క్రియేట్ చేసిన సంగతి తెలిసిందే. ఈ సినిమాకు సీక్వెల్గా ఇప్పుడు ' భారతీయుడు 2' సినిమాని రూపొందిస్తున్నారు శంకర్. నిజానికి ఈ సినిమా షూటింగ్ ఎప్పుడో కంప్లీట్ కావాల్సింది. కానీ సెట్లో జరిగిన ప్రమాదం కారణంగా చాలా రోజులపాటు ఈ సినిమా షూటింగ్ నిలిచిపోయింది. ఇప్పటికే విడుదలైన ఫస్ట్ లుక్ పోస్టర్ ఈ మూవీపై క్యూరియాసిటిని కలిగించగా.. శుక్రవారం సాయంత్రం ఈ సినిమా ఇంట్రో గ్లింప్స్ను మేకర్స్ విడుదల చేశారు. తెలుగులో ఈ గ్లింప్స్ను పాన్ ఇండియా స్టార్ డైరెక్టర్ అయిన ఎస్.ఎస్.రాజమౌళి రిలీజ్ చేశారు.
ఇక గ్లింప్స్ విషయానికి వస్తే.. గతంలో సూపర్ హిట్ అయిన 'భారతీయుడు' సినిమాలో లంచానికి వ్యతిరేకంగా పోరాడిన వీరశేఖరన్ సేనాపతి ఇండియాలో మళ్లీ తప్పు జరిగితే తాను తిరిగి వస్తానని చెప్పటంతో అప్పుడు కథ ముగిసింది. అయితే ఇప్పుడు మళ్లీ దేశంలో లంచగొండితనం బాగా పెరిగిపోతోంది. లంచం తీసుకోకుండా ఏ అధికారి కూడా పని చేయడం లేదు. దీంతో సామాన్యులు చాలా కష్టాలు ఎదుర్కోవాల్సి వస్తుంది. దేశంలో లంచం తీసుకోవడం పెరగడంతో.. ఆ సమయంలో అందరూ భారతీయులు కమ్ బ్యాక్ ఇండియన్ అంటూ హ్యాష్ ట్యాగ్ క్రియేట్ చేస్తూ.. దేశంలోకి భారతీయుడు తిరిగి అడుగు పెట్టాలని చాలా రిక్వెస్టులు పంపుతారు. చివరకు వీరశేఖరన్ సేనాపతి ఇండియాలోకి తిరిగి అడుగు పెడతారు. ఆయన తిరిగి వచ్చిన తర్వాత సేనాపతి ఏం చేశారు.. భారతీయుడుకి భయపడి లంచాలు మానేసిన అధికారులు మళ్లీ లంచాలు తీసుకోవటానికి అసలు కారణం ఎవరు? అనే విషయాలను ఈ గ్లింప్స్లో చాలా గ్రాండియర్గా చూపించారు స్టార్ డైరెక్టర్ శంకర్. ఇక తాజాగా విడుదలైన గ్లింప్స్ చూస్తే ఏ రేంజ్ లో ఉంటుందో అర్థమైపోతుంది.ఈ గ్లింప్స్ సోషల్ మీడియాలో రికార్డు స్థాయిలో లైకులు, వ్యూస్ రాబడుతుంది.