భారతీయుడు2: అంతా ఒకే.. అసలైంది బాగాలేదు?
1996లో విశ్వ నటుడు కమల్ హాసన్ నటించిన భారతీయుడు సినిమా సృష్టించిన రికార్డ్స్ అన్నీ ఇన్నీ కావు. ఇక అప్పటికే శంకర్ అంటే ఒక మార్క్ ఉండగా ఆ సినిమాతో అది పర్మినెంట్ బ్రాండ్ గా మారేలా చేసుకున్నాడు.కరెప్షన్ కాన్సెప్ట్ తో వచ్చిన భారతీయుడు సినిమా చాలా అవార్డులు రివార్డులు అందుకుంది. ఆ సినిమా వచ్చిన పాతికేళ్ల తర్వాత ఆ సినిమాకు సీక్వెల్ ప్లాన్ చేశారు డైరెక్టర్ శంకర్. మూడేళ్ల క్రితమే భారీగా మొదలు పెట్టిన ఈ సినిమా మధ్యలో క్రేన్ యాక్సిడెంట్ వల్ల యూనిట్ లో ప్రాణ నష్టం జరగడం తో ఈ సినిమాపై బ్లాక్ మార్క్ పడింది.ఇక మధ్యలో ఫైనాన్షియల్ ఇబ్బందుల వల్ల సినిమాని కొన్ని నెలలు ఆపేశారు కూడా. తరువాత శంకర్ పూర్తిగా ఫుల్ స్టాప్ పెట్టేసాడు. అయితే కమల్ హాసన్ విక్రం సూపర్ హిట్ అవడంతో ఆల్రెడీ షూటింగ్ పార్ట్ కొద్దిగా చేసిన ఇండియన్ 2 సినిమాని సెట్స్ మీదకు తీసుకొచ్చారు. శంకర్, కమల్ ఇద్దరు తమ ఫుల్ ఎఫర్ట్స్ తో ఈ సినిమా మళ్ళీ ప్లాన్ చేస్తున్నారు. చాలా భారీ అంచనాలతో వస్తున్న ఈ సినిమా నుంచి లేటెస్ట్ గా ఇంట్రో టీజర్ రిలీజైంది. ఇక ఈ టీజర్ చూసిన కమల్ ఫ్యాన్స్ ఇది కదా మాకు కావాల్సింది అనేస్తున్నారు. శంకర్ కూడా ఇండియన్ 2 సినిమాని బాగా ఫోకస్ పెట్టి రిచ్ గా తెరకెక్కిస్తున్నాడు అన్నది తెలిసిపోయింది.
అయితే రిలీజైన టీజర్ లో ఒక్కటే ఒక్క డిజప్పాయింట్ మెంట్ కనిపిస్తుంది. కమల్ హాసన్ ఓల్డ్ గెటప్ మేకప్ విషయంలో కొంచెం జాగ్రత్త పడితే బాగుండేది. ఇదే విషయాన్ని నెటిజన్లు కూడా చెబుతున్నారు. ఇండియన్ 2 సినిమా టీజర్ సూపర్ కానీ కమల్ మేకప్ మాత్రం చాలా నిరుత్సాహంగా ఉందని అంటున్నారు. ఇంకా అంతేకాదు పాతికేళ్ల క్రితం వచ్చిన ఇండియన్ సినిమాలోనే మేకప్ బాగుందని ఇప్పుడు ఇంకా టెక్నాలజీ పెరిగినా కూడా శంకర్ ఓల్డ్ కమల్ లుక్ ని సరిగా తీర్చిదిద్దలేదని అంటున్నారు.టీజర్ రిలీజ్ అయ్యాక పాజిటివ్ గా ఎంతమంది రియాక్ట్ అవుతారో దానిలోని లోపాలను చూపించడానికి కూడా కొందరు సిద్ధంగా ఉంటారు. ఇండియన్ 2 సినిమా టీజర్ లో కమల్ మేకప్ గురించి ఆడియన్స్ చింతిస్తున్నారు. అయితే కమల్ ఫ్యాన్స్ మాత్రం ఈ టీజర్ ని చూసి చాలా బాగా ఎంజాయ్ చేస్తున్నారు. ఇక ఇండియన్ 2 సినిమా మొదటి పార్ట్ ని మించి అదరగొడుతుందా లేదా అన్నది చూడాలి. డైరెక్టర్ శంకర్ తిరిగి ఫాం లోకి రావాలని సినీ ప్రియులు కోరుతున్నారు.అనిరుద్ రవిచందర్ సంగీతం అందించిన ఈ మూవీ ఆడియో రైట్స్ ని సోనీ మ్యూజిక్ సొంతం చేసుకుంది.