బాలయ్య... మహేష్... బన్నీ... సిద్దు లకి సంబంధించిన మూవీ షూటింగ్ వివరాలు ఇవే..!
తెలుగు సినీ పరిశ్రమలో తమకంటూ ఒక మంచి గుర్తింపును ఏర్పరచుకున్న నందమూరి బాలకృష్ణ ... సూపర్ స్టార్ మహేష్ బాబు ... ఐకాన్ స్టార్ అల్లు అర్జున్ ... సిద్దు జొన్నలగడ్డ లకు సంబంధించిన సినిమాలు ప్రస్తుతం చిత్రీకరణ దశల్లో ఉన్నాయి. వారు ప్రస్తుతం ఏ సినిమాలో నటిస్తున్నారు ..? అందుకు సంబంధించిన సినిమా షూటింగ్ లు ప్రస్తుతం ఏ ప్రాంతంలో జరుగుతున్నాయి అనే వివరాలను తెలుసుకుందాం.
ఐకాన్ స్టార్ అల్లు అర్జున్ ప్రస్తుతం పుష్ప పార్ట్ 2 మూవీ లో హీరో గా నటిస్తున్నాడు. ఈ మూవీ బృందం వారు రామోజీ ఫిలిం సిటీ లో ప్రస్తుతం ఓ సాంగ్ ను చిత్రీకరిస్తున్నారు. సుకుమార్ దర్శకత్వంలో రూపొందుతున్న ఈ సినిమాలో రష్మిక మందన హీరోయిన్ గా నటిస్తోంది.