త్రిష పై షాకింగ్ కామెంట్స్.. అది కాంప్లీమెంట్ అంటున్న మన్సూర్ అలీ ఖాన్..!!
కోలీవుడ్ స్టార్ హీరోయిన్ త్రిష పై 'లియో' మూవీ యాక్టర్ మన్సూర్ అలీ ఖాన్ చేసిన వల్గర్ కామెంట్స్ ఎంత పెద్ద వివాదంగా మారాయో తెలిసిందే. తనపై చేసిన వ్యాఖ్యలను త్రిష ఖండించింది. ఆమెతోపాటు లియో డైరెక్టర్ లోకేష్ కనగరాజ్, సీనియర్ నటి కుష్బూ, సింగర్ చిన్మయి, మంత్రి రోజా తదితరులు తప్పు పట్టారు. అయితే తాజాగా తాను చేసిన వ్యాఖ్యలపై మరోసారి స్పందిస్తూ తన వ్యాఖ్యల వెనక అసలు ఉద్దేశాన్ని తెలిపారు మన్సూర్ అలీ ఖాన్." లియో మూవీలో త్రిష నటిస్తున్నారని తెలిసింది. నేను ఆమెను బెడ్ రూమ్ కి తీసుకెళ్లాలి అనుకున్నాను. త్రిష తో బెడ్ రూమ్ సీన్స్ సీన్ ఉంటుంది అనుకున్నాను. గతంలో చాలామంది హీరోయిన్స్ తో నేను రేప్ సీన్స్ చేశాను.
లియో కాశ్మీర్ సెట్స్ లో త్రిషను అసలు నాకు చూపించలేదు" అని అన్నాడు మన్సూర్ అలీ ఖాన్. దీనిపై త్రిష సోషల్ మీడియా వేదికగా స్పందిస్తూ.." ఇలాంటి నీచమైన మనస్తత్వం ఉన్న వ్యక్తితో స్క్రీన్ షేర్ చేసుకోనేందుకు ఆనందంగా ఉంది. ఇకపై జీవితంలో అతడితో నటించను. మానవజాతికి మన్సూర్ అలీ ఖాన్ అవమానం" అని పోస్ట్ చేసింది. తాజాగా తన వ్యాఖ్యలపై మన్సూర్ అలీ ఖాన్ మరోసారి క్లారిటీ ఇచ్చాడు."నా వ్యాఖ్యలను వక్రీకరించారు. ఎడిట్ చేసి కొన్ని మాటలు తొలగించారు. లియో మూవీలో ఆమె పాత్ర కీలకం. పర్వతాన్ని ఎత్తిన హనుమంతుడితో ఆమెను పోల్చాను. త్రిష కు నేను ఇచ్చిన కాంప్లిమెంట్స్ చూపించలేదు" అని అన్నాడు.
అంతేకాకుండా తాజాగా సోషల్ మీడియాలో ఓ సుదీర్ఘ సందేశం రాస్కొచ్చాడు." నా మాటలు తప్పుగా అర్థం చేసుకున్నారు. వక్రీకరించి రాజకీయం చేస్తున్నారు. నా కెరియర్ ని నాశనం చేసేందుకు కుట్ర చేస్తున్నారు. నేను గతంలో చాలామంది హీరోయిన్స్ తో కలిసి పని చేశాను. ఎవరితోనూ అసభ్యంగా ప్రవర్తించలేదు" అంటూ తన ఇన్ స్టాగ్రామ్ లో రాసుకొచ్చారు మన్సూర్ అలీ ఖాన్. దీంతో ఆ పోస్ట్ వైరల్ అవ్వగా ఆయన ఇచ్చిన వివరణ పై కూడా కొంతమంది నెటిజన్లు విమర్శలు చేస్తున్నారు.