యానిమల్: ఇక ఆ రికార్డ్ కొట్టడం కష్టమే?
బాలీవుడ్ స్టార్ హీరో రణబీర్ కపూర్ హీరోగా టాలీవుడ్ డైరెక్టర్ సందీప్ రెడ్డి వంగా దర్శకత్వంలో తెరకెక్కి ప్రేక్షకుల ముందుకి వచ్చిన సినిమా యానిమల్. ఈ సినిమా బ్లాక్ బస్టర్ టాక్ ని సొంతం చేసుకొని మంచి లాభాలతో కలెక్షన్స్ సునామీ సృష్టిస్తోంది.ఇప్పటికే ప్రపంచ వ్యాప్తంగా ఏడువందల కోట్లకి పైగా యానిమల్ సినిమా కలెక్ట్ చేసింది.దీని తర్వాత ఇండియన్ ఇండస్ట్రీలో ఐదు వందల కోట్ల క్లబ్ దాటిన పదవ చిత్రంగా యానిమల్ సినిమా నిలిచింది.రణబీర్ కపూర్ పెర్ఫార్మెన్స్, సరికొత్త కాన్సెప్ట్ హిందీ ఆడియన్స్ కి బాగా కనెక్ట్ అయ్యింది. అందుకే హిందీ వెర్షన్ కి చాలా ఎక్కువ కలెక్షన్స్ వస్తున్నాయి. సందీప్ రెడ్డి వంగా బ్రాండ్ ఇమేజ్, బలమైన కథ కారణంగా తెలుగులో యూత్ ఆడియన్స్ కి యానిమల్ మూవీ విపరీతంగా కనెక్ట్ అయ్యింది. అయితే ఫ్యామిలీ ఆడియన్స్ చూడగలిగే విధంగా మూవీ లేకపోవడం వలన తెలుగులో కలెక్షన్స్ కొంచెం డ్రాప్ అయ్యాయి. కానీ ఓవరాల్ గా బ్రేక్ ఈవెన్ అయ్యింది.జవాన్ సినిమా తెలుగులో 70 కోట్ల గ్రాస్ కలెక్ట్ చేసింది. యానిమల్ సినిమా ఈ కలెక్షన్స్ ని బీట్ చేస్తుందని ఎక్స్ పెక్ట్ చేశారు.
అయితే ఇప్పుడు ఆ స్థాయిలో మూవీ ప్రభావం చూపించడం లేదు. సినిమాకి మంచి వసూళ్లు అయితే వస్తున్నాయి కాని జవాన్ వసూళ్ళని అందుకునే ఛాన్స్ లేదు. ఇక తమిళ్, కన్నడ, మలయాళీ వెర్షన్స్ లో అక్కడి ప్రేక్షకులకి పెద్దగా కనెక్ట్ కాలేదు. ఓన్లీ తెలుగు హిందీ లో మాత్రమే ఈ మూవీ బాగా పెర్ఫార్మన్స్ చేస్తుంది.ఇక ఈ మూవీ ఆరంభంలో జోరు చూస్తే కచ్చితంగా వెయ్యి కోట్ల మార్క్ అందుకుంటుందని ట్రేడ్ పండితులు అంచనా వేశారు. అయితే వారం రోజుల తర్వాత కలెక్షన్స్ లో డ్రాప్ కనిపిస్తోంది. ఇంకా ఆడియన్స్ స్పీడ్ కూడా తగ్గింది. ఇదే పరిస్థితి కొనసాగితే లాంగ్ రన్ లో 900 కోట్ల వరకు యానిమల్ ఆగిపోయే అవకాశం ఉంటుందని అంచనా వేస్తున్నారు. కేవలం తెలుగు, హిందీ భాషలలో మాత్రమే యానిమల్ సూపర్ హిట్ టాక్ సొంతం చేసుకుంది. మిగిలిన భాషలలో ఈ మూవీ డిజాస్టర్ అయినట్లే. కాబట్టి అన్ని భాషల్లో మినిమం హిట్ అయితేనే ఈ సినిమా 1000 కోట్లు రాబడుతుంది. లేకుంటే కష్టమే. ఇక ఈ ఏడాది 650 కోట్లు దాటిన సినిమాల విషయానికి వస్తే.. జవాన్, పఠాన్, యానిమల్, గదర్ 2 సినిమాలు దాటాయి.