ఆ సినిమాలో నటించాలని ఉందంటున్న పాయల్....!!
ఆర్‌ఎక్స్ 100 సినిమాతో హీరోయిన్ గా మంచి సక్సెస్‌ ను తన ఖాతాలో వేసుకున్న ముద్దుగుమ్మ పాయల్ రాజ్ పూత్ తమిళ్ మరియు తెలుగు భాషల్లో పలు చిత్రా ల్లో నటించింది.ఇటీవల తెలుగు లో ఈమె చేసిన మంగళవారం సినిమా మంచి విజయాన్ని సొంతం చేసుకోవడంతో పాటు నటిగా మరోసారి పాయల్ తన విశ్వరూపం చూపించిందనే టాక్‌ వస్తోంది.తాజాగా పాయల్ రాజ్ పూత్ ఎక్స్ లో చేసిన పోస్ట్ అందరి దృష్టిని ఆకర్షిస్తోంది. తనకు 'కాంతార' చాప్టర్ 1 లో ఛాన్స్ ఇవ్వంటూ బాహాటంగానే రిషబ్ శెట్టి మరియు నిర్మాతలను ట్యాగ్ చేసి విజ్ఞప్తి చేసింది. ఇటీవల తాను మంగళవారం సినిమాలో నటించాను, ఆ సినిమాలో తన నటనకు మంచి స్పందన వచ్చిందని కూడా ఆమె పేర్కొంది.కాంతార వంటి సినిమా లో నటించాలని తన కోరిక అన్నట్లుగా పాయల్ తన పోస్ట్ లో పేర్కొంది. కాంతార సినిమా కోసం ఆడిషన్స్ జరుగుతున్నట్లుగా తెలిసింది. ఆ సినిమాలో నాకు ఛాన్స్ ఇస్తే తప్పకుండా ప్రతిభ చాటుకుంటాను అంటూ పాయల్ వ్యాఖ్యలు చేయడం నిజంగా ఆశ్చర్యంగా ఉందని సినీ విశ్లేషకులు సైతం ఆశ్చర్యం వ్యక్తం చేస్తున్నారు.ఒక హీరోయిన్ ఇలా బాహాటంగా ఆఫర్‌ కోసం సోషల్‌ మీడియా ద్వారా విజ్ఞప్తి చేయడం చూడలేదని చాలా మంది అంటున్నారు. పాయల్ పోస్ట్ ను వందలాది మంది షేర్‌ చేస్తూ కాంతార మేకర్స్ ని ట్యాగ్ చేస్తున్నారు. మరి ఈ అమ్మడికి ఛాన్స్ దక్కేనా చూడాలి.పాయల్ రాజపుత్ చేసిన మూవీ ఇటీవల విడుదలై మంచి రెస్పాన్స్ తో దూసుకు పోయింది. అయితే ఈ మధ్య ఆ మూవీ ఒక ప్రముఖ ఓటీటీ ప్లాట్ ఫామ్ లో కూడా అదే రెస్పాన్స్ తో దూసుకుపోతుంది. ఈ మూవీ పాయల్ ను ఒక స్టెప్ ఎక్కించింది అనే చెప్పాలి.