సొషల్ మీడియాలో ఆకట్టుకుంటున్న వెబ్ సిరీస్ ట్రైలర్...!!
బాలీవుడ్ స్టార్ డైరెక్టర్ రోహిత్ శెట్టి క డైరెక్ట్ చేసిన వెబ్ సిరీస్ ఇండియన్ పోలీస్ ఫోర్స్. ఈ వెబ్ సిరీస్ లో ప్రముఖ నటీనటులు సిద్ధార్థ్ మల్హోత్రా, వివేక్ ఒబెరాయ్ మరియు శిల్పా శెట్టి ప్రధాన పాత్రలలో నటించారు.ఈ వెబ్ సిరీస్ జనవరి 19 నుంచి అమెజాన్ ప్రైమ్ వీడియోలో స్ట్రీమింగ్ కానుంది.బాలీవుడ్ లో వెబ్ సిరీస్ లకు క్రేజ్ పెరుగుతుండగా ఈ ఇండియన్ పోలీస్ ఫోర్స్ ఒకేసారి ముగ్గురు టాప్ యాక్టర్స్ ను దించేసింది. ఈ వెబ్ సిరీస్ లో శిల్పా శెట్టి, సిద్ధార్థ్ మల్హోత్రా, వివేక్ ఒబెరాయ్ పోలీస్ ఆఫీసర్ల పాత్రల్లో కనిపించారు. బాలీవుడ్ లో ఓ కాప్ యూనివర్స్ క్రియేట్ చేసిన రోహిత్ శెట్టి.. దానిని ఓటీటీలోకి కూడా ఈ వెబ్ సిరీస్ ద్వారా తీసుకొచ్చాడు.
సింగం, సింగం రిటర్న్స్, సింబా మరియు సూర్యవంశి లాంటి కాప్ యూనివర్స్ సినిమాలను రోహిత్ శెట్టి డైరెక్ట్ చేశాడు. ఇక ఇప్పుడీ వెబ్ సిరీస్ లో మరో ముగ్గురు పవర్‌ఫుల్ పోలీస్ ఆఫీసర్లను పరిచయం చేయబోతున్నాడు. వరుస బాంబు పేలుళ్లతో ఢిల్లీని వణికిస్తున్న టెర్రర్ గ్రూపును పట్టుకునే పనిలో భాగంగా ఈ ముగ్గురు ఆఫీసర్లు ఎలాంటి త్యాగాలు చేశారన్నది ఈ సిరీస్ లో చూడొచ్చు.ఇదిలా ఉంటే ఈ సిరీస్ ట్రైలర్ శుక్రవారం (జనవరి 5) ప్రేక్షకుల ముందుకు వచ్చింది.
రోహిత్ శెట్టి తన సినిమాల్లోలాగే ఈ సిరీస్ ట్రైలర్ ను కూడా పూర్తి యాక్షన్ ఎపిసోడ్స్ తో నింపేశాడు. సిల్వర్ స్క్రీన్ పై అజయ్ దేవ్‌గన్, రణ్‌వీర్ సింగ్ మరియు అక్షయ్ కుమార్ లాంటి స్టార్లతో ఆ యాక్షన్ సీన్స్ చేయించిన రోహిత్.ఈ సిరీస్ లో కూడా సిద్ధార్థ్, వివేక్ మరియు శిల్పాలతో పవర్ ఫుల్ యాక్షన్ సీన్స్ చేయించాడు.పవర్‌ఫుల్ యాక్షన్, అందుకు తగిన డైలాగులు, బ్యాక్‌గ్రౌండ్ మ్యూజిక్ తో వచ్చిన ఈ ట్రైలర్ వెబ్ సిరీస్ పై అంచనాలను పెంచేసింది