ఇక్కడ అందరు చేసేది వ్యాపారమే..!

shami
గుంటూరు కారం రిలీజ్ తర్వాత సహ నిర్మాత సూర్యదేవర నాగ వంశీ సినిమాను నైజాం లో భారీగా రిలీజ్ చేసిన దిల్ రాజు ఇద్దరు ప్రెస్ మీట్ పెట్టారు. గుంటూరు కారం మిడ్ నైట్ ఒంటి గంట షో చూసి కొందరు మిక్సెడ్ రివ్యూస్ ఇచ్చారని అయితే మళ్లీ డే షోస్ అన్నీ మంచి టాక్ తెచ్చుకున్నాయని అన్నారు. ఈవెనింగ్ కల్లా సినిమాకు పాజిటివ్ టాక్ వచ్చిందని అన్నారు దిల్ రాజు. ప్రతి సంవత్సరం సంక్రాంతికి సినిమాల పంచాయితీ మాకు సహజమేనని.. అయితే ఇక్కడ ఎవరు శత్రూలు లేరు.. మిత్రులు ఉండరని అన్నారు.
పెట్టుబడి పెట్టిన వారంతా కూడా వీలైనంత త్వరగా రాబట్టుకోవాలని అనుకుంటారు. ఓవరాల్ గా ఇదొక వ్యాపారం.. ఇక్కడ ఎవరిని అణిచి వేయడం జరగదని అన్నారు. అంతేకాదు మంచి సినిమాను ఎవరు ఆపలేరని కూడా చెప్పుకొచ్చారు దిల్ రాజు.
బాగున్న సినిమాను ఎవరు ఆపలేరని చెప్పారు. అయితే గుంటూరు కారం సినిమాకు ఎక్కువ థియేటర్స్ ఇచ్చి హనుమాన్ కి తక్కువ థియేటర్స్ కేటాయించడంపై అంతకుముందే దిల్ రాజు పై నెటిజెన్లు తమ అసంతృప్తిని వ్యక్తం చేశారు. కానీ దిల్ రాజు మాత్రం సినిమా అనేది ఒక బిజినెస్ అని ఇక్కడ లెక్కలు ఇలానే ఉంటాయని చెప్పకనే చెప్పారు. సంక్రాంతికి పెద్ద సినిమాగా వచ్చిన గుంటూరు కారం సినిమాకు ఎక్కువ థియేటర్లు కేటాయించారని దిల్ రాజు మీద కొందరు బ్యాక్ ఫైర్ అవుతున్నారు. కానీ ఇండస్ట్రీని నిలబెట్టేది ఇలాంటి పెద్ద సినిమాలే అని కొందరు దిల్ రాజుకి సపోర్ట్ గా నిలుస్తున్నారు. గుంటూరు కారం అసలు రిజల్ట్ అనేది పండుగ తర్వాత నాలుగు రోజుల వసూళ్లను బట్టి తెలుస్తుందని అన్నారు దిల్ రాజు. ఫెస్టివల్ సీజన్ లో సినిమాలన్నీ టాక్ తో సంబంధం లేకుండా వసూళ్లు రాబడతాయి. గుంటూరు కారం మొదటి రోజే 95 కోట్ల గ్రాస్ కలెక్ట్ చేసిందని చెబుతున్నారు.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఇండియాహెరాల్డ్ వాట్సాప్ చానెల్·ను ఫాలో అవ్వండి

మరింత సమాచారం తెలుసుకోండి:

సంబంధిత వార్తలు: