ఆ మూవీ విడుదల తేదీపై క్లారిటీ ఇచ్చిన మేకర్స్...!!
కోలీవుడ్ స్టార్ హీరో చియాన్‌ విక్రమ్ నటించిన మోస్ట్‌ ఎక్జయిటింగ్‌ మూవీ తంగలాన్. స్టార్ డైరెక్టర్ పా రంజిత్ ఈ సినిమాను అడ్వెంచరస్‌ హిస్టారికల్ డ్రామా నేపథ్యంలో తెరకెక్కించారు.. ఇప్పటికే విడుదల చేసిన తంగలాన్ గ్లింప్స్‌ వీడియోతోపాటు ఫస్ట్ లుక్ పోస్టర్లు కూడా సినిమాపై అంచనాలు అమాంతం పెంచేస్తున్నాయి. అయితే తంగలాన్ ఈ చిత్రాన్ని రిపబ్లిక్ డే కానుక గా విడుదల చేయాలని నిర్ణయించగా కొన్ని అనివార్య కారణాల వల్ల సినిమా రిలీజ్ వాయిదా పడింది.2024 వేసవిలో తంగలాన్ థియేటర్ల లో సందడి చేయబోతుందని ఇటీవలే వార్తలు రాగా.. దీనిపై మేకర్స్ అధికారిక అప్‌డేట్‌ అందించారు. ఏప్రిల్ లో తంగలాన్ ను విడుదల చేస్తున్నట్టు మేకర్స్ ప్రకటించిన..అయితే విడుదల తేదీపై మాత్రం సస్పెన్స్‌ పెట్టారు. ఇటీవలే బంగారం, రక్తం, కన్నీటి చుట్టూ సాగే కథ అంటూ విక్రమ్ తన సైన్యంతో సమరాన్ని వెళ్తున్న లుక్ ను మేకర్స్ రిలీజ్ చేసారు. ఆ లుక్ గూస్‌బంప్స్‌ తెప్పిస్తోంది. ఈ చిత్రంలో మాళవికా మోహనన్‌ మరియు పార్వతి తిరువొత్తు హీరోయిన్స్ గా నటిస్తున్నారు. పశుపతి మరియు డానియెల్‌ కల్టగిరోన్‌ ఈ చిత్రంలో ముఖ్య పాత్రలు పోషిస్తున్నారు.కోలార్‌ గోల్డ్‌ ఫీల్డ్స్‌ (కేజీఎఫ్‌) లో జరిగిన వాస్తవ సంఘటనల ఆధారంగా వస్తోన్న ఈ చిత్రాన్ని స్టూడియో గ్రీన్ మరియు నీలమ్ ప్రొడక్షన్స్ బ్యానర్లపై కేఈ జ్ఞానవేళ్‌ రాజా తెరకెక్కిస్తున్నారు. ఈ మూవీకి జీవీ ప్రకాశ్‌ కుమార్‌ మ్యూజిక్ అందిస్తున్నాడు. తంగలాన్ మేకర్స్ ఇటీవల మాళవికా మోహనన్‌ లుక్ ను కూడా విడుదల చేసారు..డీగ్లామరైజ్‌డ్‌ కనిపిస్తున్న మాళవిక లుక్ సినిమాపై అంచనాలు పెంచేస్తోంది. ఇప్పటిదాకా గ్లామరస్ పాత్రలకే పరిమితమైన ఈ భామ తంగలాన్‌లో సరికొత్త లుక్ లో కనిపించి ఎంతగానో ఆకట్టుకుంది.ఇదిలా ఉంటే ఏప్రిల్ 5 న యంగ్ టైగర్ ఎన్టీఆర్ నటించిన దేవర పార్ట్ 1 మూవీ పాన్ ఇండియా రేంజ్ లో ఎంతో గ్రాండ్ గా రిలీజ్ కానుంది. దీనితో తంగలాన్ కు,దేవర మూవీకి ఏప్రిల్ లో బాక్స్ ఆఫీస్ క్లాష్ జరగనుంది.