సిద్దు... వైష్ణవి కాంబో మూవీకి సంబంధించిన క్రేజీ అప్డేట్ వచ్చేసింది..!
టాలీవుడ్ ఇండస్ట్రీ లో మంచి గుర్తింపు కలిగిన యువ నటులలో సిద్దు జొన్నలగడ్డ ఒకరు. ఇకపోతే ఈయన ప్రస్తుతం టిల్లు స్క్వేర్ అనే మూవీ లో హీరో గా నటిస్తున్నాడు. ఈ మూవీ లో అనుపమ పరమేశ్వరన్ హీరోయిన్ గా నటిస్తోంది. ఈ సినిమాని ఈ సంవత్సరం మార్చి 29 వ తేదీన విడుదల చేయనున్నారు. ఈ మూవీ డిజె టిల్లు అనే మూవీ కి కొనసాగింపుగా రూపొందుతుంది. డీజే టిల్లు మూవీ సూపర్ సక్సెస్ కావడంతో టిల్లు స్క్వేర్ మూవీ పై తెలుగు ప్రేక్షకులు భారీ అంచనాలు పెట్టుకున్నారు. మరి ఈ సినిమా ప్రేక్షకుల అంచనాలను అందుకుంటుందో లేదో చూడాలి. ఇకపోతే ఈ సినిమాతో పాటు సిద్దు "తెలుసు కదా" అనే మరో సినిమాలో కూడా హీరో గా నటిస్తున్నాడు. ఈ మూవీ లో రాసి కన్నా , నేహా శెట్టి హీరోయిన్ లుగా నటిస్తున్నారు.
ఇలా ప్రస్తుతం రెండు మూవీ ల షూటింగ్ లతో ఫుల్ బిజీగా సమయాన్ని గడుపుతున్న ఈ నటుడు కొన్ని రోజుల క్రితమే శ్రీ వెంకటేశ్వర సినీ చిత్ర బ్యానర్ లో కూడా ఓ మూవీ చేయబోతున్నట్లు అధికారిక ప్రకటన వెలువబడింది. ఈ సినిమాలో బేబీ బ్యూటీ వైష్ణవి చైతన్య హీరోయిన్ గా కనిపించబోతోంది. ఇకపోతే తాజాగా ఈ మూవీ బృందం వారు ఈ సినిమాకు సంబంధించిన ఓ క్రేజీ అప్డేట్ ప్రకటించారు. తాజాగా శ్రీ వెంకటేశ్వర సినీ చిత్ర బ్యానర్ వారు సిద్దు ... వైష్ణవి కాంబోలో రూపొందబోయే సినిమాకు సంబంధించిన టైటిల్ ను రేపు ఉదయం 10 గంటల 8 నిమిషాలకు విడుదల చేయనున్నట్లు అధికారికంగా ప్రకటిస్తూ ఓ పోస్టర్ ను విడుదల చేసింది. ప్రస్తుతం ఈ పోస్టర్ వైరల్ అవుతుంది. ఇకపోతే ఈ సినిమా శ్రీ వెంకటేశ్వర సినీ చిత్ర బ్యానర్ లో 37 వ మూవీ గా రూపొందబోతున్నట్లు కూడా ఈ బ్యానర్ వారు అధికారికంగా ప్రకటించారు.