మొదటి సారి గర్భం దాల్చినప్పుడు సోషల్ మీడియాలో ప్రకటించిన ఈ జంట రెండోసారి మాత్రం ఎందుకు అంత గోప్యంగా ఉంచారు..? దీని వెనక ఉన్న కారణాలేంటో తెలుసా..?బాలీవుడ్ స్టార్ హీరోయిన్ అనుష్కశర్మ రెండోసారి తల్లి అయ్యారు. ఐదు రోజుల క్రితమే ఆమె పండంటి మగ బిడ్డకు జన్మనిచ్చారు. ఇప్పటికే ఆమెకు మూడు సంవత్సరాల కూతురు ఉండగా.. రెండో సారి బాబు జన్మించారు బాబుకి అకాయ్ అనే పేరు కూడా పెట్టారు. అనుష్క ఫిబ్రవరి 15వ తేదీన బిడ్డకు జన్మనివ్వగా... ఐదు రోజుల తర్వాత బాబు పుట్టిన విషయాన్ని రివీల్ చేశారు. బాబు పుట్టిన విషయం మాత్రమే కాదు.. గర్భం దాల్చిన విషయాన్ని కూడా అనుష్క, విరాట్ .. ఇద్దరూ చాలా సీక్రెట్ గా మెయింటైన్ చేశారు. మొదటి సారి గర్భం దాల్చినప్పుడు సోషల్ మీడియాలో ప్రకటించిన ఈ జంట రెండోసారి మాత్రం ఎందుకు అంత గోప్యంగా ఉంచారు..? దీని వెనక ఉన్న కారణాలేంటో తెలుసా..? దీని వెనక ఉన్న కారణాలు ఇవే. 2020లో, అనుష్క మొదటిసారి గర్భవతిగా ఉన్న విషయాన్ని వెల్లడించడమే కాకుండా, చాలా ఫోటోలను కూడా పంచుకున్నారు. ప్రసవం అయ్యేంత వరకు మీడియా కళ్లు అనుష్కపైనే ఉన్నాయి. ఈసారి విరుష్క మీడియా ప్రజల నుండి అనవసరమైన దృష్టిని , ఒత్తిడిని నివారించాలనుకుంటున్నట్లు కనిపిస్తోంది. ఆరోగ్యానికి, ఆనందానికి ఎక్కువ ప్రాధాన్యత ఇస్తూ ఈ విషయాన్ని గోప్యంగా ఉంచారు. అందుకే ఈ విషయం ఎవరికీ తెలియలేదు.
అనుష్క శర్మ ,విరాట్ విభిన్న నేపథ్యాలు ,సంస్కృతుల నుండి వచ్చారు. ఆమె తన రెండవ గర్భానికి సంబంధించి తన కుటుంబం సంప్రదాయాలను అనుసరించి ఉండవచ్చు. తమ పెద్దలను సంప్రదించి వారి ఆశీర్వాదాలు, సలహాలు కోరుతూ ఉండవచ్చు. ఒక నిర్దిష్ట సమయం లేదా సంఘటన వరకు గర్భాన్ని రహస్యంగా ఉంచాలనుకోవచ్చు. అందుకే చెప్పి ఉండకపోవచ్చు. అనుష్క ,కోహ్లి తమ రెండవ బిడ్డ రాకను నిశ్శబ్దంగా ఆనందించాలని కోరుకున్నారు. ఇద్దరూ తమ బిజీ లైఫ్కి కొంత సమయం కేటాయించి కూతురితో గడపాలని, ప్రశాంతంగా, ప్రైవసీగా ప్రెగ్నెన్సీని ఎంజాయ్ చేయాలని భావించి ఈ విషయాన్ని గోప్యంగా ఉంచే అవకాశం ఉంది. విరుష్క జోడిని అభిమానులు ఇష్టపడతారు. అభిమానులను ఆశ్చర్యపరిచేందుకు ఈసారి విరుష్క రెండవ గర్భాన్ని రహస్యంగా ఉంచి ఉండవచ్చు.చాలా సార్లు సెలబ్రిటీలపై చెడు కన్ను పడే అవకాశం ఉంది. ఆరోగ్యకరమైన రెండవ గర్భం విషయానికి వస్తే, సంతోషించే వారు , అసూయపడే వారు ఉంటారు. ఆ చెడు దృష్టి పడకుండా ఉండేందుకు కూడా ఈ విషయాన్ని విరుష్క గోప్యంగా ఉంచే అవకాశం ఉంది.