Tamannaah: ఓదెల -2 చిత్రంలో మిల్కీ బ్యూటీ..!!
ఈ చిత్రానికి సంబంధించి అధికారికంగా ప్రకటన ఒక పోస్టర్ ద్వారా తెలియజేశారు చిత్ర బృందం. ఈ సినిమా టైటిల్ ను ఓదెల-2 అనే టైటిల్ తో ఈ ప్రాజెక్టుని తీసుకురాబోతున్నారు.2022 లో ఓటీటీ లో విడుదలైన ఓదెల రైల్వే స్టేషన్ కి కూడా మంచి రెస్పాన్స్ లభించింది.. ఈ చిత్రం హెబ్బా పటేల్ కెరీర్ ని మరొకసారి సక్సెస్ బాట పట్టేలా చేసింది. ఈ చిత్రానికి కథను సంపత్ నంది అందించారట.. డైరెక్టర్ అశోక్ తేజ మేకింగ్ తో ఈ సినిమా క్రైమ్ థ్రిల్లర్ గా తెరకెక్కించి మంచి విజయాన్ని అందుకున్నారు.
అయితే ఈసారి అదే టీం తో ఓదెల-2 అనే టైటిల్ తో మరొక ప్రాజెక్టును ప్రేక్షకుల ముందుకు తీసుకురాబోతున్నారు. ఈసారి అంతకుమించి కథాంశం తో భారీ క్యాస్టింగ్ తో సరికొత్త టెక్నికల్ వాల్యూస్ తో ఈ చిత్రాన్ని తెరకెక్కించే విధంగా ప్లాన్ చేస్తున్నారు.. ఈ చిత్రాన్ని కేవలం తెలుగులోనే కాకుండా ఇతర భాషలలో కూడా రిలీజ్ చేసే విధంగా ప్లాన్ చేస్తున్నారు. ఈ రోజున అధికారికంగా ఈ సినిమాని లాంచ్ చేస్తూ రెగ్యులర్ షూటింగ్ ను త్వరలోనే మొదలుపెట్టే విధంగా ప్లాన్ చేస్తున్నట్లు చిత్ర బృందం వెల్లడించారు.
ఈ సినిమా స్టోరీ విషయానికి వస్తే ఓదెల మల్లన్న స్వామి ఒక గ్రామాన్ని దుష్టశక్తుల నుంచి రక్షిస్తారనే కథాంశంతో తెరకెక్కించబోతున్నారట.. టైటిల్ పోస్టర్ లో త్రిశూలంలో శివుడు బొట్టు చాలా హైలైట్ గా కనిపిస్తోంది.. ఈ చిత్రానికి కాంతారా ఫేమ్ అజనీష్ లోకనాథ్ సంగీతాన్ని అందిస్తున్నారు.. ఓదెలా -2 లో హెబ్బా పటేల్, వశిష్ట ,వంశి, సురేందర్ రెడ్డి ,పూజా రెడ్డి,తమన్నా తదితరులు నటిస్తూ ఉన్నారు. మరి తమన్న ఈ చిత్రంలో ఏ విధంగా నటిస్తుందో చూడాలి మరి..