ఉదయకిరణ్ చావుకి కారణం అదే అంటున్న జబర్దస్త్ కమెడియన్..!!
జబర్దస్త్ లో పీక్లో రాణిస్తున్న సమయంలోనే సినిమా అవకాశాలను సొంతం చేసుకున్నారు. కొన్నాళ్లకి జబర్దస్త్ ని వదిలేసి పూర్తి స్థాయిగా సినిమాల్లోకి వచ్చాడు. త్వరగానే బిజీ అయ్యాడు. అయితే ఇప్పుడు మాత్రం ఆయనకు సినిమా అవకాశాలు లేవు. ఓ రకంగా కనుమరుగు అయ్యారు. ఈ క్రమంలో షేకింగ్ శేష్ ఓ యూట్యూబ్ ఛానెల్కి ఇంటర్వ్యూ ఇచ్చారు. ఇందులో తన పరిస్థితి గురించి వెల్లడించారు. తన జర్నీని తెలిపాడు. అదే సమయంలో ఉదయ్ కిరణ్పై కూడా ఆసక్తికర వ్యాఖ్యలు చేశాడు.జబర్దస్త్ లో మంచి ఫామ్లో ఉన్నసమయంలోనే అనిల్ రావిపూడి పిలిచి సుప్రీం చిత్రంలో ఆఫర్ ఇచ్చినట్టు చెప్పాడు. దీంతో సినిమాల కోసం జబర్దస్త్ ని వదిలేసినట్టు వెల్లడించారు. అలా సినిమాల్లోకి వచ్చి వరుసగా ఆఫర్లని దక్కించుకుంటూ బిజీగా ఉన్నానని తెలిపారు. కానీ ఇటీవల ఆఫర్లు లేవట. సినిమా ఛాన్స్ లు ఇచ్చేవాళ్లు తగ్గిపోయారని తమని పట్టించుకోవడం లేదని ఆవేదన వ్యక్తం చేశాడు. ఈ క్రమంలో తనకు ఆత్మహత్య చేసుకోవాలనిపించిందని, కుటుంబాన్ని పోషించలేని వాడు ఆత్మహత్య చేసుకున్నట్టే అని, గొప్ప దర్శకుల సినిమాల్లో అవకాశాలు రాకపోతే బాధగా ఉంటుందన్నారు.ఈ క్రమంలో ఉదయ్ కిరణ్ ప్రస్తావన తీసుకొచ్చాడు షేకింగ్ శేష్. ఉదయ్ కిరణ్ కూడా అవకాశాలు రాకనే ఆత్మహత్య చేసుకున్నాడని తెలిపాడు. అంతేకాదు ఆయన చావుకి ఆఫర్లు ఇవ్వని వాళ్లు కూడా కారణమే అని బాంబ్ పేల్చాడు. అయితే షేకింగ్ శేష్ చాలా రోజుల క్రితం చేసిన ఇంటర్వ్యూ ఇది. తాజాగా ట్రెండింగ్లోకి వచ్చింది.