చాలా తక్కువ ధరకు "లవ్ గురు"..!
టాలీవుడ్ ఇండస్ట్రీలో నటుడుగా తనకంటూ మంచి గుర్తింపును సంపాదించుకున్న వారిలో విజయ్ ఆంటోని ఒకరు. ఈయన కొంత కాలం క్రితం విడుదల అయిన బిచ్చగాడు అనే సినిమాలో హీరో గా నటించి ఈ మూవీ తో అద్భుతమైన విజయాన్ని అందుకొని తెలుగు సినీ పరిశ్రమలో మంచి గుర్తింపును సంపాదించుకున్నాడు. ఆ సినిమా విజయం తర్వాత విజయ్ తను నటించిన చాలా సినిమాలను తెలుగులో విడుదల చేశాడు.
కొంతకాలం క్రితమే ఈయన "బిచ్చగాడు 2" అనే సినిమాలో హీరో గా నటించాడు. ఈయన స్వయంగా ఈ సినిమాను నిర్మించాడు. ఈ సినిమాతో ఈయనకు పర్వాలేదు అనే స్థాయి విజయం దక్కింది. తాజాగా విజయ్ ఆంటోనీ లవ్ గురు అనే సినిమాలో హీరో గా నటించాడు. మృణాళిని రవి ఈ మూవీ లో విజయ్ కి జోడీగా నటించగా ... విజయ్ ఆంటోనీ ఫిలిం కార్పొరేషన్ బ్యానర్ పై మీరా విజయ్ ఆంటోనీ సమర్పణ లో విజయ్ ఆంటోనీ ఈ మూవీ ని నిర్మించారు.
వినాయక్ వైద్యనాథన్ ఈ మూవీ కి దర్శకత్వం వహించాడు. ఈ మూవీ ఈ రోజు అనగా ఏప్రిల్ 11 వ తేదీన విడుదల కానుంది. ఇకపోతే తాజాగా ఈ మూవీ యూనిట్ సినిమాకు సంబంధించిన ఓ క్రేజీ అప్డేట్ ను ప్రకటించింది. ఈ మూవీ ని చాలా తక్కువ ధరకే ప్రేక్షకుల ముందుకు తీసుకురాబోతున్నట్లు ఈ మూవీ యూనిట్ అనౌన్స్ చేసింది. ఈ సినిమా యొక్క టికెట్ ధరను ఏ మల్టీ ప్లెక్స్ లో అయినా సరే 150 రూపాయలు గానే ఫిక్స్ చేసినట్లు ఈ మూవీ యూనిట్ అధికారికంగా ప్రకటిస్తూ ఓ పోస్టర్ ను కూడా విడుదల చేసింది. ఇలా చాలా తక్కువ ధరకే ఈ సినిమా ప్రేక్షకుల ముందుకు రానున్న నేపథ్యంలో ఈ మూవీ కి గనుక మంచి టాక్ వచ్చినట్లు అయితే తెలుగు రాష్ట్రాల్లో భారీ కలక్షన్ లు వచ్చే అవకాశం ఉంది.