ఆ స్టార్ హీరో చిత్రంలో మన్మధుడు మూవీ ఫేమ్ అన్షు రీ ఎంట్రీ..!!
అన్షు సాగర్ అనే కంటే మన్మధుడు లో హీరోయిన్ అని చెప్తే అందరు ఇట్టే గుర్తుపట్టేస్తారు ఈ బ్యూటీని. ఎందుకంటే మన్మధుడు సినిమా ఈ అమ్మడుకు మంచి పేరు తెచ్చిపెట్టింది, తన కెరీర్ మొత్తంలో చేసింది కొన్ని సినిమాలే అయినా కూడా.. ఈమెను మాత్రం తెలుగు ఆడియన్స్ అంతా కూడా బాగా గుర్తుపెట్టుకున్నారు. ప్రభాస్, నాగార్జున లాంటి అగ్ర హీరోలతో కలిసి నటించిన ఈ అమ్మడు.. అప్పట్లో ఎంతో మంది కుర్రకారు హృదయాలను దోచేసింది. ఇప్పటికే ఈ హీరోయిన్ అంటే అంతే అభిమానం చూపిస్తున్నారు ప్రేక్షకులు. ఈ క్రమంలోనే ఈ అమ్మడు.. ఇప్పుడు మళ్ళీ రీ ఎంట్రీ ఇవ్వబోతుంది. తాజాగా సందీప్ కిషన్ హీరోగా.. దర్శకుడు త్రినాధ్ రావు ఓ సినిమాను అనౌన్స్ చేసిన సంగతి తెలిసిందే. అయితే ఈ సినిమాలో హీరోయిన్ గా అన్షు సాగర్ నటించబోతుందని.. టాక్ వినిపిస్తుంది. ఇప్పటికే తన పాత్రకు సంబంధించిన స్క్రిప్ట్ నేరేషన్ కూడా పూర్తయినట్లు సమాచారం.
ఒకవేళ ఇప్పుడు వినిపిస్తున్న వార్తలు కనుక నిజమైతే.. దాదాపు 20 ఏళ్ళ తర్వాత ఈ నటి కమ్ బ్యాక్ ఇస్తుందని చెప్పి తీరాలి. ఇండస్ట్రీ లో ఇప్పటివరకు ఏ హీరోయిన్ కూడా ఇంత లాంగ్ గ్యాప్ తర్వాత కమ్ బ్యాక్ ఇచ్చిన హిస్టరీ లేదు. ఇక ఇటీవల మన్మధుడు సినిమా థియేటర్ లో రిలీజ్ చేసిన తర్వాత.. థియేటర్ లో ఈ సినిమాకు అప్పుడు ఎలాంటి రెస్పాన్స్ వచ్చిందో.. ఇప్పుడు అంత కంటే ఎక్కువ రెస్పాన్స్ ఏ వచ్చింది. ఇక ఇప్పుడు అన్షు సాగర్ కమ్ బ్యాక్ ఇస్తే కనుక.. తన కెరీర్ మళ్ళీ మొదలైనట్లే అని చెప్పి తీరాలి. సినిమాలకు దూరం అయినా కానీ.. సోషల్ మీడియాలో మాత్రం నిత్యం అందరికి దగ్గరగానే ఉంటుంది ఈ అమ్మడు. మరి ఈ విషయంపై మీ అభిప్రాయాలను కామెంట్స్ రూపంలో తెలియజేయండి.