చిరంజీవికి 20 నిమిషాలు కథ చెప్పడం కోసం అన్ని రోజులు ప్రాక్టీస్ చేశా... సుకుమార్..!
టాలీవుడ్ ఇండస్ట్రీలో సుకుమార్ టాప్ డైరెక్టర్ అనే విషయం మన అందరికీ తెలిసిందే. ఈయన ఆర్య మూవీతో దర్శకుడిగా తన కెరీర్ ను మొదలు పెట్టాడు. ఈ మూవీ లో అల్లు అర్జున్ హీరోగా నటించగా ... శ్రీ వెంకటేశ్వర క్రియేషన్స్ బ్యానర్ పై దిల్ రాజు ఈ మూవీ ని నిర్మించాడు. ఈ సినిమా 2004 వ సంవత్సరం మే 7 వ తేదీన థియేటర్లలో విడుదల అయ్యి అద్భుతమైన విజయం అందించింది. ఇక ఈ సినిమా విడుదల అయ్యి నిన్నటితో 20 సంవత్సరాలు పూర్తి అయిన సందర్భంగా ఆర్య యూనిట్ ఓ ఈవెంట్ ను నిర్వహించింది.
దానికి ఈ సినిమాలో హీరోగా నటించిన అల్లు అర్జున్ , డైరెక్టర్ సుకుమార్ , నిర్మాత దిల్ రాజు , సినిమాటో గ్రాఫర్ రత్నవేలు , మ్యూజిక్ డైరెక్టర్ దేవి శ్రీ ప్రసాద్ ఈ సినిమాలో కీలక పాత్రలో నటించిన శివ బాలాజీ మరి కొంత మంది అతిధులు వచ్చారు. ఇక ఈవెంట్ లో భాగంగా సుకుమార్ మాట్లాడుతూ ... ఆర్య మూవీ ఓకే కాకముందు జరిగిన కొన్ని ఇంట్రెస్టింగ్ విషయాలను చెప్పుకొచ్చాడు. అలాగే చిరంజీవి గారికి ఈ సినిమా కథ చెప్పడం గురించి తను పడ్డ కష్టాల గురించి కూడా వివరించాడు. తాజాగా సుకుమార్ మాట్లాడుతూ ... ఆర్య స్టోరీ మొత్తం కంప్లీట్ అయింది. అల్లు అర్జున్ , అరవింద్ గారు ఇద్దరు ఈ సినిమాకు గ్రీన్ సిగ్నల్ ఇచ్చారు. కాకపోతే అరవింద్ గారు ఈ సినిమా కథను చిరంజీవి గారికి వినిపించండి అని అన్నారు.
కానీ ఆయన ఒక కండిషన్ పెట్టారు. చిరంజీవి గారికి ఈ సినిమా కథను 20 నిమిషాల్లో చెప్పు అని అన్నారు. ఆ 20 నిమిషాల కథ చెప్పడం కోసం నేను నెల రోజులు ప్రాక్టీస్ చేశా. ఇక చివరికి ఒక రోజు చిరంజీవి గారికి 20 నిమిషాల్లో కథ చెబుదాం అని వెళ్లాను. ఆయన 20 నిమిషాలు కథ విని అద్భుతంగా నచ్చడంతో అలాగే ఆ కథను మూడు గంటల పాటు విన్నారు. అంత ఓపికగా నా కథను విని స్టోరీ కి గ్రీన్ సిగ్నల్ ఇచ్చిన చిరంజీవి గారికి థాంక్స్ అని సుకుమార్ చెప్పుకొచ్చాడు.