జూనియర్ ఎన్టీఆర్ ప్రస్తుతం దేవర మూవీలో హీరోగా నటిస్తున్న విషయం మనకు తెలిసిందే. ఈ సినిమాకు తెలుగు సినీ పరిశ్రమలో టాప్ డైరెక్టర్లలో ఒకరు అయినటువంటి కొరటాల శివ దర్శకత్వం వహిస్తూ ఉండగా, మోస్ట్ బ్యూటిఫుల్ అండ్ వెరీ టాలెంటెడ్ నటిమని జాన్వి కపూర్ ఈ సినిమాలో ఎన్టీఆర్ కి జోడిగా నటిస్తుంది. అనిరుధ్ రవిచంద్రన్ సంగీతం అందిస్తున్న ఈ మూవీ లో బాలీవుడ్ ఇండస్ట్రీ లో నటుడిగా సూపర్ క్రేజ్ ను సంపాదించుకున్న సైఫ్ అలీ ఖాన్ ఈ సినిమాలో ప్రధాన ప్రతి నాయకుడి పాత్రలో కనిపించబోతున్నాడు.
ఈ మూవీ రెండు భాగాలుగా విడుదల కానుంది. అందులో మొదటి భాగాన్ని 2024 అక్టోబర్ 10 వ తేదీన ప్రపంచ వ్యాప్తంగా పాన్ ఇండియా మూవీ గా తెలుగు , తమిళ , కన్నడ , మలయాళ , హిందీ భాషలలో విడుదల చేయనున్నారు. ఈ మూవీ యొక్క మొదటి పాటను ఎన్టీఆర్ పుట్టిన రోజు సందర్భంగా మేకర్స్ విడుదల చేయనున్నట్లు అనేక రోజులుగా వార్తలు వచ్చాయి. ఆ వార్తలను నిజం చేస్తూ రేపు ఎన్టీఆర్ పుట్టిన రోజు అనగా తాజాగా ఈ మూవీ లోని ఫస్ట్ సింగిల్ ను మేకర్స్ విడుదల చేశారు.
ఈ మూవీ మొదటి పాట అదిరిపోయే రేంజ్ లో ఉండబోతుంది అని ఇప్పటికే పలువురు సినీ ప్రముఖులు చెప్పడంతో ఈ సాంగ్ పై ప్రేక్షకులు భారీ అంచనాలు పెట్టుకున్నారు. ఆ అంచనాలకు తగినట్టుగానే ఈ సాంగ్ ఉంది. ఈ సాంగ్ విడుదల అయిన వెంటనే ప్రేక్షకులకు నచ్చే విధంగా ఉంది. దానితో ఈ సాంగ్ అనేక రికార్డులను స్మాష్ చేయడం గ్యారెంటీగా కనబడుతుంది.
ఈ సాంగ్ ను కూడా తెలుగు , తమిళ , కన్నడ , మలయాళ , హిందీ భాషలలో విడుదల చేశారు. ఇక అనిరుద్ ఈ సాంగ్ అందించిన మ్యూజిక్ సూపర్ గా ఉండడంతో ఈయనపై కూడా ఎన్టీఆర్ అభిమానులు ప్రశంసలు కురుపిస్తున్నారు. ఇలా ఎన్టీఆర్ పుట్టిన రోజుకు ఒక రోజు ముందుగానే ఎన్టీఆర్ కి అనిరుద్ అదిరిపోయే గిఫ్ట్ ఇచ్చాడు అని వారు అభిప్రాయపడుతున్నారు.