బాలయ్య మూవీలో భారీ యాక్షన్ సన్నివేశం... ఇది కానీ కరెక్ట్ గా సెట్ అయితే ఇక అంతేనటా..?
నందమూరి బాలకృష్ణ ప్రస్తుతం బాబీ దర్శకత్వంలో రూపొందుతున్న సినిమాలో హీరో గా నటిస్తున్నాడు. సితార ఎంటర్టైన్మెంట్ బ్యానర్ పై ప్రముఖ నిర్మాత సూర్య దేవర నాగ వంశీ ఈ మూవీ ని నిర్మిస్తున్నాడు. ఈ చిత్రానికి టైటిల్ ను ఫిక్స్ చేయని నేపథ్యంలో ఎన్ బీ కే 109 అనే వర్కింగ్ టైటిల్ తో ఈ చిత్ర షూటింగ్ జరుగుతుంది. ఈ మూవీ లో ఊర్వశి రౌటేలా పోలీస్ ఆఫీసర్ పాత్రలో కనిపించబోతుంది. ఇక కాజల్ అగర్వాల్ కూడా ఈ సినిమాలో కనిపించబోతున్నట్లు , శ్రేయ రెడ్డి ఈ మూవీ లో నెగిటివ్ షేడ్స్ ఉన్న పాత్రలో కనిపించబోతున్నట్లు వార్తలు వస్తున్నాయి.
ఈ వార్తలకు సంబంధించి మేకర్స్ మాత్రం అధికారిక ప్రకటన విడుదల చేయలేదు. తమన్ ఈ మూవీ కి సంగీతం అందిస్తున్నాడు. ఈ మూవీ యొక్క షూటింగ్ ఇప్పటికే చాలా భాగం పూర్తయింది. ఇక ఈ సినిమా షూటింగ్ ఫుల్ జోష్ లో జరుగుతున్న సమయం లోనే ఆంధ్రప్రదేశ్ రాష్ట్రంలో ఎలక్షన్ ల షెడ్యూల్ విడుదల కావడంతో బాలకృష్ణ ఎమ్మెల్యే గా పోటీ చేస్తున్న నేపథ్యంలో కొన్ని రోజుల పాటు ప్రచారాలలో బిజీగా ఉన్నాడు. దానితో ఈ సినిమా షూటింగ్ ఆగిపోయింది. ఇక ఎలక్షన్ లు పూర్తి కావడంతో వచ్చే నెల మొదటి వారంలో రిజల్ట్ రానుంది.
రిజల్ట్ వచ్చాక వెంటనే ఈ సినిమా యొక్క నెక్స్ట్ షెడ్యూల్ ప్రారంభం కాబోతున్నట్లు తెలుస్తోంది. నెక్స్ట్ షెడ్యూల్ లో మేకర్స్ ఇంటర్వెల్ సన్నివేశాలను చిత్రీకరించబోతున్నట్లు తెలుస్తోంది. ప్రస్తుతం అందుతున్న సమాచారం ఈ యాక్షన్ సన్నివేశం బాలయ్య కెరియర్ లోనే హైలెట్ గా ఉండే విధంగా డైరెక్టర్ డిజైన్ చేసినట్లు తెలుస్తుంది. ఈ మూవీ ని ఈ సంవత్సరం అక్టోబర్ 10 వ తేదీన విడుదల చేసి ఆలోచనలో మేకర్స్ ఉన్నట్లు ఓ న్యూస్ సోషల్ మీడియాలో ఫుల్ గా వైరల్ అవుతుంది.