బేబీ మూవీ తో బ్లాక్ బస్టర్ విజయాన్ని అందుకున్న ఆనంద్ దేవరకొండ తాజాగా గం గం గణేశా అనే కామెడీ ఎంటర్టైనర్ మూవీ లో హీరో గా నటించాడు. ఉదయ్ బొమ్మిశెట్టి దర్శకత్వంలో రూపొందిన ఈ సినిమాలో ప్రగతి శ్రీవాస్తవ , నయన్ సారిక హీరోయిన్ లుగా నటించారు. వెన్నెల కిషోర్ , ఇమ్మాన్యుయెల్ , రాజ్ అరుణ్ , సత్యం రాజేష్ తదితరులు ఈ మూవీ లో ముఖ్య పాత్రలలో నటించారు. చేతన్ భరద్వాజ్ ఈ మూవీ కి సంగీతాన్ని అందించారు.
బేబీ లాంటి విజయవంతమైన సినిమా తర్వాత ఆనంద్ దేవరకొండ హీరోగా రూపొందిన సినిమా కావడంతో ఈ మూవీ పై ప్రేక్షకులు మంచి అంచనాలు పెట్టుకున్నారు. ఇక ఈ మూవీ విడుదలకు ముందు ఈ సినిమా బృందం వారు విడుదల చేసిన ప్రచార చిత్రాలు కూడా ప్రేక్షకులను బాగా ఆకట్టుకోవడంతో ఈ మూవీ పై ప్రేక్షకుల్లో అంచనాలు మరింతగా పెరిగి పోయాయి. అలా మంచి అంచనాల నడుమ మే 31 వ తేదీన థియేటర్ లలో విడుదల అయిన ఈ సినిమా మిక్స్ డ్ టాక్ ను తెచ్చుకుంది. దానితో ప్రస్తుతం ఈ మూవీ కి భారీ మొత్తంలో కాకుండా మామూలు స్థాయిలో కలెక్షన్ లు దక్కుతున్నాయి.
ఇది ఇలా ఉంటే ఇప్పటికే ఈ సినిమాకు సంబంధించిన ఓ టీ టీ పార్టనర్ లాక్ అయినట్లు తెలుస్తోంది. ప్రస్తుతం అందుతున్న సమాచారం ప్రకారం ఈ సినిమా యొక్క డిజిటల్ హక్కులను అమెజాన్ ప్రైమ్ వీడియో సంస్థ వారు దక్కించుకున్నట్లు అందులో భాగంగా ఈ సినిమా యొక్క కొన్ని వారాల థియేటర్ రన్ కంప్లీట్ అయిన తర్వాత ఈ మూవీ ని అమెజాన్ ప్రైమ్ వీడియో సంస్థ వారు తమ ఓ టీ టీ ప్లాట్ ఫామ్ లో స్ట్రీమింగ్ చేయనున్నట్లు ఓ వార్త వైరల్ అవుతుంది.