రిలీజ్ అయిన కొద్ది రోజులకే ఆహా లో స్ట్రీమింగ్ కానున్న "లవ్ మీ"..!!
దెయ్యం ప్రేమకథ అనే విభిన్నమైన కాన్సెప్టుతో రూపొందిన 'లవ్ మీ' మూవీకి ఆరంభంలో మిక్స్డ్ టాక్ వచ్చింది. అందుకు అనుగుణంగానే ఇది ఆశించిన రీతిలో ఓపెనింగ్స్ను వసూలు చేయలేదు. అయితే, ఆ తర్వాత మాత్రం ఈ సినిమా క్రమంగా డౌన్ అయింది. తద్వారా బ్రేక్ ఈవెన్ టార్గెట్ను చేరుకోకుండానే రన్ను ముగించింది. దీంతో ఈ చిత్రానికి నష్టాలు వచ్చాయి.ఆశీష్ హీరోగా నటించిన 'లవ్ మీ' సినిమాపై ఆరంభంలోనే హైప్ బాగా ఉండడంతో.. ఈ మూవీ డిజిటల్ స్ట్రీమింగ్ హక్కుల కోసం ఓటీటీ సంస్థలు అన్నీ బాగా పోటీ పడ్డాయి. ఈ క్రమంలోనే ఈ రైట్స్ను ఆహా సంస్థ సొంతం చేసుకుంది. ఇందుకోసం ఇది భారీ మొత్తాన్నే నిర్మాతలకు ముట్టజెప్పినట్లు తెలిసింది. ఈ నేపథ్యంలో తాజాగా ఈ మూవీ డిజిటల్ స్ట్రీమింగ్పై మరో న్యూస్ లీకైంది.ఆశీష్ - వైష్ణవి చైతన్య జంటగా నటించిన 'లవ్ మీ' సినిమా ఆశించిన స్థాయిలో ప్రదర్శన కాకపోవడంతో దీన్ని నెల రోజుల లోపే స్ట్రీమింగ్ చేస్తారని ప్రచారం జరుగుతోంది. అందుకు అనుగుణంగానే ఈ చిత్రాన్ని జూన్ 15వ తేదీ నుంచి ఆహా సంస్థ అందుబాటులోకి తీసుకు వస్తుందని తాజాగా ఓ న్యూస్ బయటకు వచ్చింది. దీంతో సినీ ప్రియులంతా ఖుషీ అవుతున్నారు.