గోట్ గ్లింప్స్ ఆసం.. తళపతి యాక్షన్ సూపరబ్బా?
విజయ్ బర్త్ డే స్పెషల్ గా రిలీజ్ అయిన “ది గోట్ బర్త్ డే షాట్స్” గ్లిమ్ప్స్ వీడియో మాత్రం విజయ్ ఫాన్స్ కి అదిరిపోయే సర్ప్రైజ్ ఇచ్చిందని చెప్పాలి. మామూలుగా బర్త్ డే ట్రీట్ కి ఒక కొత్త లుక్ ని లేదా, మేకింగ్ వీడియో ని మేకర్స్ రిలీజ్ చేస్తారని ఫ్యాన్స్ అంతా కూడా అనుకున్నారు, కానీ అర్ధరాత్రి టైం లో ఇలా మంచి థ్రిల్లింగ్ వీడియో ని రిలీజ్ చేస్తారని ఫ్యాన్స్ అస్సలు అనుకోలేదు. ఇక గ్లిమ్ప్స్ వీడియోలో ఎక్కడా కూడా ఎలాంటి డైలాగ్స్ పెద్దగా లేకపోగా, టీజర్ ని థ్రిల్లింగ్ షాట్స్ తో అర సెకన్ల గ్యాప్ తో సూపర్ షాట్స్ తో వీడియోని డిజైన్ చేసారు. ఇక ఈ వీడియో లో హీరో విజయ్ ద్విపాత్రాభినయంతో కనిపిస్తుండగా, వీడియోలో రెండు పాత్రలూ బైక్ పై ఉన్న వీడియో తో దర్శకుడు వెంకట్ ప్రభు మంచి థ్రిల్లింగ్ మూమెంట్స్ ని ఇచ్చాడు. అయితే ఈ మూవీ స్టోరీ లైన్ గురించి మాత్రం ఎలాంటి హింట్ ఇవ్వలేదు. ఇక ఈ వీడియోలో థ్రిల్లింగ్ షాట్స్ బాగానే ఉండగా, దానికి తగ్గట్టు మ్యూజిక్ డైరెక్టర్ యువన్ శంకర్ రాజా ఇచ్చిన బీజీఎమ్ కూడా బాగుంది. ఈ మూవీ పై ఓ రేంజ్ లో అంచనాలు నెలకొని ఉన్నాయి. ఈ సినిమా తెలుగు హక్కులని మైత్రి వారు దక్కించుకున్నారు. కాబట్టి తెలుగులో ఖచ్చితంగా భారీగా రిలీజ్ అవుతుంది. ఈ మూవీ ఖచ్చితంగా 1000 కోట్లు వసూళ్లు రాబడుతుందని విజయ్ ఫ్యాన్స్ నమ్మకం వ్యక్తం చేస్తున్నారు. మరి చూడాలి ఈ సినిమా రిలీజ్ అయ్యాక ఎన్ని కోట్ల వసూళ్లు రాబడుతుందో..