దేవరతో రొమాన్స్ కు సిద్దమైన జాన్వీ..!!
దీనిని జూలై 19న విడుదల చేయనున్నారని సమాచారం. కాగా, ఇటీవల గోవాలో ఎన్టీఆర్-జాన్వీ లపై ఈ రొమాంటిక్ సాంగ్ చిత్రీకరణ జరిగింది. ఈ సాంగ్ లో వారిద్దరి మధ్య కెమిస్ట్రీ అదిరిపోయిందట. ఇప్పుడు ఆ పాటే సెకండ్ సింగిల్ గా రానుందని టాక్. ఎన్టీఆర్, జాన్వీ ల రొమాన్స్ ని లిరికల్ వీడియోలో శాంపిల్ గా చూపిస్తారని.. థియేటర్లో ఫుల్ వీడియో సాంగ్ కి సూపర్ రెస్పాన్స్ రావడం ఖాయమని అంటున్నారు.
అలాగే తాజా సమాచారం ప్రకారం, ఈ సినిమాలోని మాస్ డ్యూయెట్ సాంగ్ కోసం శంషాబాద్ లో మూవీ మేకర్స్ భారీ సెట్ ని వేస్తున్నట్లు ఫిలిం సర్కిల్ లో వార్తలు వినిపిస్తున్నాయి. ఈ సాంగ్ షూటింగ్ వచ్చే వారం ప్రారంభం కానుంది.
ఇప్పటికే యాక్షన్ పార్ట్, టాకీ ఎక్కువ శాతం పూర్తి కావడంతో కొరటాల శివ పాటల చిత్రీకరణపై ఫోకస్ పెట్టినట్లుగా తెలుస్తోంది.ఈ మూవీలో సైఫ్ అలీఖాన్, శ్రీకాంత్, ప్రకాశ్రాజ్, షైన్ టామ్ చాకో, నరైన్ కీలక పాత్రలు పోషిస్తున్న ఈ సినిమాకు అనిరుధ్ రవిచందర్ సంగీతం అందిస్తున్నారు. కల్యాణ్రామ్ సమర్పణలో కె. హరికృష్ణ, మిక్కిలినేని సుధాకర్ నిర్మిస్తున్న 'దేవర' రెండు భాగాలుగా విడుదల కానుంది. తొలి భాగాన్ని సెప్టెంబరు 27న విడుదల చేయనున్నారు.