പിറന്നാൾ ദിനത്തിൽ ആനിയെക്കുറിച്ച് ഷാജി കൈലാസ് കുറിച്ചത്!
പിറന്നാൾ ദിനത്തിൽ ആനിയെക്കുറിച്ച് ഷാജി കൈലാസ് കുറിച്ചത്! അമ്മയ്ക്ക് ഇഷ്ടപ്പെട്ട റസ്റ്റോറന്റ് ബിസിനസിലാണ് മക്കളുടെ ശ്രദ്ധ. സിനിമയിൽ നിന്നും മാറി നിന്ന സമയത്തായിരുന്നു ആനി പാചക പരിപാടിയിലേക്ക് തിരിഞ്ഞത്. ഇനി ക്യാമറയുടെ മുന്നിലേക്കില്ലെന്ന് തീരുമാനിച്ച സമയമായിരുന്നുവെങ്കിലും അത് ചെയ്യാതിരിക്കാനാവില്ലായിരുന്നു. അങ്ങനെയാണ് ആനീസ് കിച്ചൺ തുടങ്ങിയതെന്ന് താരം തുറന്നുപറഞ്ഞിരുന്നു. വിവിധ മേഖലകളിലൂടെയായി ശ്രദ്ധിക്കപ്പെട്ടവരാണ് ആനീസ് കിച്ചണിലേക്ക് അതിഥികളായി എത്തുന്നത്. കുശലാന്വേഷണങ്ങൾക്കൊടുവിലായി മികച്ച ഭക്ഷണവും നൽകിയാണ് ആനി അതിഥികളെ സ്വീകരിക്കാറുള്ളത്. ഏറെ ആസ്വദിച്ചാണ് ഷോ ചെയ്യുന്നതെന്ന് താരം വ്യക്തമാക്കിയിരുന്നു. അപ്പവും സ്റ്റൂവും കഴിക്കാനുള്ള താൽപര്യം കൊണ്ടാണ് ചേട്ടൻ തന്നെ കെട്ടിയതെന്നായിരുന്നു അടുത്തിടെ ആനി പറഞ്ഞത്.
നസ്രാണി പെണ്ണിനെ കെട്ടിയതിന്റെ കാരണം അതാണെന്ന് ഇടയ്ക്ക് ചേട്ടൻ പറയാറുണ്ട്. മട്ടൻ വിഭവങ്ങളും ബിരിയാണിയുമാണ് അദ്ദേഹത്തിന് ഇഷ്ടമുള്ള മറ്റ് ഭക്ഷണങ്ങൾ. രുചിയില്ലെങ്കിൽ അത് തുറന്ന് പറയുന്നയാളാണ് അദ്ദേഹമെന്നും ആനി പറഞ്ഞിരുന്നു. ഷാജി കൈലാസും ഭാര്യ ആനിയും മക്കളും പ്രേക്ഷകർക്ക് പരിചിതരാണ്. അച്ഛനും അമ്മയ്ക്കും പിന്നാലെ മക്കളും സിനിമയിൽ സാന്നിധ്യം അറിയിച്ചിരുന്നു. അഭിനയം മാത്രമല്ല ബിസിനസിലും മക്കൾ തിളങ്ങുന്നുണ്ട്.തന്റെ ജീവിതത്തിലെ ഏറ്റവും വലിയ ഭാഗ്യം ആനിയാണെന്ന് അദ്ദേഹം പറയുന്നു. പിറന്നാളാശംസ അറിയിച്ചുള്ള കുറിപ്പ് ഇതിനകം തന്നെ വൈറലായിക്കഴിഞ്ഞിട്ടുണ്ട്. എനിക്ക് ദൈവം തന്ന സമ്മാനമാണ് നീ,എന്നും ഈ സ്‌നേഹവും പിന്തുണയും കൂടെയുണ്ടാവണമെന്ന് അദ്ദേഹം പറയുന്നു. താരങ്ങളും ആരാധകരുമടക്കം നിരവധി പേരാണ് ആനിക്ക് ആശംസ അറിയിച്ചിട്ടുള്ളത്.
ഈ കുട്ടി കൊള്ളാലോ, ഞാൻ കെട്ടിയാലോ എന്ന തോന്നലിൽ നിന്നാണ് ഷാജി കൈലാസ് ആനിയെ ജീവിതസഖിയാക്കിയത്. വിവാഹമേ വേണ്ടെന്ന് പറഞ്ഞ് നടന്നിരുന്ന ഞാൻ തീരുമാനം മാറ്റിയത് ആനിയെ കണ്ടപ്പോഴാണെന്ന് ഷാജി കൈലാസ് പറഞ്ഞിരുന്നു.ഫ്‌ളൈറ്റ് യാത്രയ്ക്കിടെ മോതിരം കൈമാറിയ കഥയും മുൻപ് അദ്ദേഹം പറഞ്ഞിരുന്നു.മക്കളുടെ കാര്യങ്ങളൊക്കെയായി അന്ന് നല്ല തിരക്കിലായിരുന്നു. ഇന്നിപ്പോൾ മക്കളെല്ലാം മുതിർന്ന് ബിസിനസിലും സിനിമയിലുമൊക്കെയായി സജീവമാണ്. മൂന്ന് മക്കളാണ് ഈ ദമ്പതികൾക്ക്.
സോഷ്യൽമീഡിയയിലൂടെയായി മക്കളും സജീവമാണ്. സിനിമാകുടുംബത്തിലുള്ളവരായതിനാൽ ഇടയ്ക്ക് സിനിമയിലും സാന്നിധ്യം അറിയിച്ചിരുന്നു. വിവാഹ ശേഷം ഇനി ഞാൻ അഭിനയിക്കുന്നില്ലെന്ന തീരുമാനം എടുത്തത് ഞാനാണെന്നും ആനി തുറന്നുപറഞ്ഞിരുന്നു. എനിക്ക് മിസിസ് ഷാജി കൈലാസായി ജീവിച്ചാൽ മതി, ഇനി അഭിനയിക്കാനില്ലെന്നായിരുന്നു ആനി പറഞ്ഞത്.