సినిమాల కోసం అలాంటి సాహసాలు చేసిన హీరోయిన్స్ వీళ్ళే..!
శ్రియా రెడ్డి..
సలార్ గత ఏడాది విడుదలై భారీ విజయాన్ని అందుకుంది. ప్రశాంత్ నీల్ డైరెక్షన్లో వచ్చిన ఈ సినిమాలో పృధ్వీరాజ్ సుకుమారన్, జగపతిబాబు, శృతిహాసన్ , శ్రియా రెడ్డి , బాబి సింహ తదితరులు కీలకపాత్రలు పోషించారు. ఇందులో శ్రియా రెడ్డి రాధా రామ పాత్రలో నటించింది. ముఖ్యంగా ఈ పాత్రలో ఆమె తన చెవులకు కడియాలు తొడుక్కొని అందరిని ఆశ్చర్యపరిచింది.
సమంత..
పాన్ ఇండియా హీరోయిన్గా చలామణి అవుతున్న సమంత రంగస్థలం సినిమాలో బర్రెలు కడిగే సీన్లో నటించి అందర్నీ ఆశ్చర్యపరిచింది. అయితే ఒక డూప్ తో ఈ సీన్ చేద్దామని అనుకున్నారట డైరెక్టర్.. కానీ సమంత స్టార్ హీరోయిన్ అయి ఉండి కూడా బురదలోకి దిగి బర్రెలను తన సొంత చేతులతోనే కడిగింది.
పూర్ణ..
తెలుగు, తమిళ్, మలయాళం వంటి భాషలలో భారీ పాపులారిటీ సొంతం చేసుకున్న పూర్ణ కొడివీరన్ సినిమాలో గుండు కొట్టించుకుంది. సాధారణంగా హీరోలే గుండు కొట్టించుకోవడానికి ఒప్పుకోరు.. విగ్గుతో అలాంటి సన్నివేశాలు చేస్తారు. కానీ పూర్ణ మాత్రం గుండు గీయించుకొని అందరికీ షాక్ ఇచ్చింది. కావాలంటే విగ్గు పెట్టుకొని ఆ సీన్ చేయవచ్చు అయితే బలమైన పాత్ర కోసం ఆమె తన జుట్టు మొత్తాన్ని ధారపోసింది.
సప్తమి గౌడ..
బ్లాక్ బస్టర్ కాంతారా సినిమాలో సప్తమి గౌడ ఈ సినిమా కోసమే ముక్కుపుడక కుట్టించుకొని అందరికీ షాక్ ఇచ్చింది. అంతేకాదు ఈ పాత్ర కోసం నొప్పిని కూడా భరించింది ఈ ముద్దుగుమ్మ.