ఆయ్ మూవీ కథను అంతమంది హీరోలు రిజెక్ట్ చేశారు.. డైరెక్టర్ షాకింగ్ కామెంట్స్..?
జూనియర్ ఎన్టీఆర్ బావమరిది నార్నీ నితిన్ గురించి ప్రత్యేక పరిచయం అవసరం లేదు. ఈయన మ్యాడ్ అనే మూవీ తో మంచి విజయాన్ని అందుకొని తెలుగు సినీ పరిశ్రమలో తనకంటూ ఒక మంచి గుర్తింపును ఏర్పరచుకున్నాడు. ఇకపోతే తాజాగా ఈ నటుడు ఆయ్ అనే సినిమాలో హీరోగా నటించాడు. ఈ సినిమా ఆగస్టు 15 వ తేదీన మంచి అంచనాల నడుమ థియేటర్ లలో విడుదల అయింది. ఈ సినిమాకు అద్భుతమైన బ్లాక్ బస్టర్ టాక్ రావడంతో ప్రస్తుతం ఈ సినిమా అద్భుతమైన స్థాయిలో కలెక్షన్ లను వసూలు చేస్తూ ఫుల్ జోష్ లో దూసుకుపోతుంది.
ఇకపోతే ఈ సినిమాకు అంజి కే మణిపుత్ర దర్శకత్వం వహించాడు. ఈ సినిమా అద్భుతమైన సక్సెస్ సాధించడంతో ఈ మూవీ దర్శకుడు అయినటువంటి అంజి కే మణిపుత్ర మీడియాతో మాట్లాడారు. ఆయన తాజాగా మాట్లాడుతూ ... ఈ కథ మొత్తం రాసుకున్న తర్వాత చాలా మంది హీరోలను కలిశాను. ఈ మూవీ కథను వినిపించాను. కానీ ఎవరు కూడా ఈ సినిమా చేయడానికి ముందుకు రాలేదు. కొన్ని కారణాల వల్ల నార్ని నితిన్ ను కలిసాను. ఆయనకు ఈ సినిమా కథ మొత్తం వివరించాను. ఆయనకు ఈ మూవీ కథ అద్భుతంగా నచ్చింది.
దానితో వెంటనే ఆయన ఈ కథ తో సినిమా చేయడానికి ఒప్పుకున్నారు. ఈ సినిమా ప్రస్తుతం థియేటర్లో చూసిన తర్వాత ఆయన లేకపోతే సినిమానే లేదు అనే ఫీలింగ్ కలుగుతుంది. ఈ రోజు నేను మీ ముందు ఇలా కూర్చున్నాను అంటే కూడా దానికి కారణం ఆయనే. నాకు తొలి దర్శకుడిగా అవకాశం ఇచ్చిన అతడిని నేను జీవితంలో ఎప్పుడూ మర్చిపోలేను అని తాజాగా ఆయ్ మూవీ దర్శకుడు అంజి చెప్పుకొచ్చాడు. ఇకపోతే ఈ సినిమాతో పాటు డబల్ ఇస్మార్ట్ , మిస్టర్ బచ్చన్ తమిళ డబ్బింగ్ మూవీ తంగాలన్ కూడా విడుదల అయ్యాయి. కానీ ఈ సినిమానే మంచి కలెక్షన్లను వసూలు చేస్తుంది.