అల్లు అర్జున్ కు ఏమైంది.. ఆయన కామెంట్స్ వెనుక అసలు కారణం అదేనా..?
మెగా వర్సెస్ అల్లు వివాదం రోజు రోజుకి మరింత ముదురుతోంది. పైకి అంతా బాగానే ఉన్నప్పటికి లోలోపల మాత్రం ఇరు ఫ్యామిలీల మధ్య దూరం పెరుగుతున్నట్టే కనిపిస్తోంది. ఇక అభిమానుల మధ్య పచ్చ గడ్డి వేస్తే భగ్గుమనే పరిస్థితి కనిపిస్తోంది. మెగా అభిమానులు రెండు వర్గాలుగా విడిపోయి సోషల్ మీడియా వేదికగా యుద్ధం చేసుకుంటున్నారు.అల్లు అర్జున్ ఉద్దేశించి మెగా బ్రదర్ నాగబాబు సోషల్ మీడియా వేదికగా విమర్శలు చేయడం, దానికి బన్ని అభిమానులు ఓ రేంజ్‌లో ఫైర్ అవ్వడం చక చక జరిగిపోయాయి. అల్లు అర్జున్ అభిమానుల దెబ్బకు నాగబాబు సోషల్ మీడియా అకౌంట్‌ను కూడా డిలీట్ చేశారు.ఈ నేపథ్యంలో కొద్దిరోజుల క్రితం తనకు వరుసకు మామయ్య అయ్యే పవన్ కళ్యాణ్ జనసేనకు కేవలం సోషల్ మీడియా వేదికగా సపోర్ట్ చేసాడు అల్లు అర్జున్. అదే సమయంలో తన భార్య స్నేహితురాలు భర్త తన స్నేహితుడు అని చెప్పుకుంటూ వైసిపి నేత శిల్పా రవిచంద్ర రెడ్డికి నేరుగా వెళ్లి అల్లు అర్జున్ మద్దతు పలికిన సంగతి తెలిసిందే. ఈ విషయం మీద చాలా చర్చలు జరిగాయి. మెగా అల్లు ఫ్యామిలీ ల మధ్య దూరం పెరిగింది అని కూడా ప్రచారం జరిగింది. ఈ విషయం మీద ఇప్పటికీ మెగా అల్లు కాంపౌండ్స్ కి చెందిన వాళ్ళు కవర్ చేసుకోలేక ఇబ్బందులు పడుతున్న సంగతి ప్రత్యేకంగా చెప్పాల్సిన అవసరం లేదు. ఈ గాయం ఇంకా మానక ముందే ఆ అంశాన్ని పరోక్షంగా ప్రస్తావిస్తూ అల్లు అర్జున్ చేసిన వ్యాఖ్యలు సోషల్ మీడియాలో వైరల్ అవుతున్నాయి. రావు రమేష్ ప్రధాన పాత్రలో లక్ష్మణ్ డైరెక్ట్ చేసిన మారుతీ నగర్ సుబ్రహ్మణ్యం సినిమా 23వ తేదీన రిలీజ్ అవుతుంది.
ఈ సినిమాని సుకుమార్ భార్య ప్రజెంట్ చేస్తున్న నేపథ్యంలో ప్రీ రిలీజ్ ఈవెంట్ కి సుకుమార్ తో పాటు అల్లు అర్జున్ ముఖ్య అతిథులుగా హాజరయ్యారు. ఈ సందర్భంగా అల్లు అర్జున్ మాట్లాడుతూ ఈ సినిమాని సుకుమార్ భార్య ప్రజెంట్ చేస్తున్నారు. మేము పుష్పా 2 క్లైమాక్స్ షూటింగ్లో ఉండగా ఆమె వచ్చి సుకుమార్, మిమ్మల్ని కాకుండా నేను ఈ సినిమా ఈవెంట్ కి ఎవరిని పిలవగలను అని అన్నారు. అయితే ఇప్పటివరకు నేను చేస్తున్న అన్ని సినిమాల్లో అతి కష్టమైన షూటింగ్ పుష్ప 2 క్లైమాక్స్. అలాంటి పరిస్థితిలో కూడా ఆమె కేవలం పిలిచిందని వచ్చాను. ఇష్టమైన వారిపైన మన ప్రేమ చూపించాలి, మనం నిలబడగలగాలి, నాకు ఇష్టమైతేనే వస్తా నా మనసుకు నచ్చితేనే వస్తా అంటూ కామెంట్స్ చేశారు. ఆయన సుకుమార్ భార్య ఆహ్వానం మేరకు వచ్చిన దాని గురించే మాట్లాడినా సోషల్ మీడియాలో మాత్రం శిల్పా రవిచంద్ర రెడ్డికి మద్దతు పలికిన విషయం గురించి మరోసారి ఆయన తన స్టాండ్ వెల్లడించారు అనే చర్చ జరుగుతోంది.ఈ సందర్భంగా అల్లు అర్జున్ చేసిన వ్యాఖ్యలు సోషల్ మీడియాలో వివాదానికి కేరాఫ్‌గా నిలిచాయి.ఈ నేపథ్యంలో బన్నీ ఎవరిని ఉద్దేశించి కామెంట్ చేశారో తెలియదు కానీ పవన్ కు కౌంటర్ ఇచ్చినట్లుగానే ఫ్యాన్స్ భావిస్తున్నారు. ఇటీవల మెగా సెలబ్రేషన్స్ లోనూ బన్నీ ఎక్కడ కనిపించలేదు.మెగా మేనల్లుడిగా ఇండస్ట్రీకి వచ్చిన ఆయన సొంత బ్రాండ్ క్రియేట్ చేసుకునేందుకే ఇలా మాట్లాడుతున్నారా?అనే చర్చ మొదలయ్యింది.