మరోసారి చరణ్ ఫాన్స్ కి నిరాశే మిగలనుందా.. చివరికి దానితో సరిపెట్టుకోవాల్సిందేనా..?
మెగా పవర్ స్టార్ రామ్ చరణ్ కొంత కాలం క్రితం ఎస్ ఎస్ రాజమౌళి దర్శకత్వంలో రూపొందిన ఆర్ ఆర్ ఆర్ అనే సినిమాలో హీరోగా నటించాడు. భారీ అంచనాల నడుమ ప్రపంచ వ్యాప్తంగా విడుదలైన ఈ సినిమా అదిరిపోయే రేంజ్ విజయాన్ని అందుకుంది. ఈ మూవీ తో రామ్ చరణ్ కు గ్లోబల్ గా క్రేజ్ వచ్చింది. ఇకపోతే ఈ మూవీ తర్వాత మెగాస్టార్ చిరంజీవి హీరోగా కొరటాల శివ దర్శకత్వంలో రూపొందిన ఆచార్య సినిమాలో చరణ్ ఓ చిన్న పాత్రలో నటించాడు. భారీ అంచనాల నడుమ విడుదల అయిన ఈ సినిమా బాక్స్ ఆఫీస్ దగ్గర బోల్తా కొట్టింది. ఈ సినిమా బాక్స్ ఆఫీస్ దగ్గర బోల్తా కొట్టిన ఈ మూవీ ద్వారా చరణ్ కు మంచి గుర్తింపు లభించింది.
ఇకపోతే చరణ్ చాలా కాలం క్రితం శంకర్ దర్శకత్వంలో గేమ్ చేంజర్ అనే మూవీని మొదలు పెట్టాడు. గేమ్ చేంజర్ మూవీ మొదలు అయ్యి చాలా కాలమే అవుతున్న ఈ సినిమా షూటింగ్ స్లో గా జరుగుతూ రావడంతో ఈ మూవీ యూనిట్ పై చరణ్ అభిమానులు చాలా రోజుల నుండి కోపం గానే ఉన్నారు. కొన్ని రోజుల క్రితమే ఈ సినిమాకు సంబంధించిన చరణ్ పోర్షన్ షూటింగ్ పూర్తి అయినట్లు మూవీ బృందం ప్రకటించింది. ఇక ఈ మూవీ ని ఈ సంవత్సరం డిసెంబర్ నెలలో విడుదల చేయనున్నట్లు మేకర్స్ ప్రకటించారు. ఇది ఇలా ఉంటే గత కొన్ని రోజులుగా ఈ మూవీ బృందం వారు మరికొన్ని రోజుల్లో రాబోయే వినాయక చవితి సందర్భంగా అదిరిపోయే అప్డేట్ ను ఇవ్వబోతున్నారు అని ఓ వార్త వైరల్ అవుతుంది.
ఈ సినిమా టీజర్ ను గానీ మరో సాంగ్ ను కానీ మేకర్స్ విడుదల చేస్తారేమో అని చరణ్ అభిమానులు భావించారు. కానీ ప్రస్తుతం అందుతున్న సమాచారం ప్రకారం వినాయక చవితికి ఈ సినిమా నుండి కేవలం ఒక పోస్టర్ ను విడుదల చేసే అవకాశం ఉన్నట్లు తెలుస్తోంది. ఇలా కేవలం ఈ సినిమా నుండి వినాయక చవితికి ఒక పోస్టర్ రిలీజ్ కానున్నట్లు వార్తలు రావడంతో చరణ్ అభిమానులు మళ్లీ ఈ మూవీ యూనిట్ పై నిరుత్సాహాన్ని వ్యక్తం చేస్తున్నట్లు తెలుస్తోంది.