నెక్స్ట్ మూవీ విషయంలో చిరు ఎందుకు అంత కన్ఫ్యూజన్లో ఉన్నాడు.. వారు ఇంప్రెస్ చేయలేకపోతున్నారా..?
మెగాస్టార్ చిరంజీవి ప్రస్తుతం విశ్వంభర అనే మూవీలో హీరోగా నటిస్తున్న విషయం మన అందరికీ తెలిసిందే. ఈ మూవీ లో త్రిష హీరోయిన్గా నటిస్తూ ఉండగా , మల్లాడి వశిష్ట ఈ మూవీ కి దర్శకత్వం వహిస్తున్నాడు. ఇకపోతే చిరంజీవి పోయిన సంవత్సరం పుట్టిన రోజు సందర్భంగా మల్లాడి వశిష్ట మూవీ తో పాటు కళ్యాణ్ కృష్ణ దర్శకత్వంలో కూడా ఓ మూవీ లో నటించనున్నట్లు అధికారిక ప్రకటన వెలువడింది. దానితో ఆ వెంటనే ఈ రెండు సినిమాలు మొదలు అవుతాయి అని చాలా మంది అనుకున్నారు. కానీ మల్లాడి వశిష్ట సినిమా మొదలు అయ్యింది కానీ కళ్యాణ్ కృష్ణ సినిమా మాత్రం మొదలు కాలేదు.
ఇక ఆ తర్వాత కళ్యాణ్ కృష్ణ దర్శకత్వంలో చిరు సినిమా చేయడం లేదు అనే వార్తలు మొదలు అయ్యాయి. ఇక ఆల్మోస్ట్ ఈ సినిమా క్యాన్సల్ అయింది. కళ్యాణ్ కృష్ణ దర్శకత్వంలో మూవీ క్యాన్సిల్ అయిన తర్వాత ఇప్పటి వరకు తన తదుపరి మూవీ ని చిరు ఓకే చేయలేదు. మధ్యలో హరీష్ శంకర్ , అనిల్ రావిపూడి లాంటి దర్శకులు చిరంజీవితో సినిమా చేయడానికి ప్రయత్నాలు చేస్తున్నట్లు వార్తలు వచ్చాయి. కానీ అవి అధికారిక ప్రకటన వరకు వెళ్లలేదు. ఈ మధ్య కాలంలో మోహన్ రాజా దర్శకత్వంలో చిరు ఓ సినిమా చేయబోతున్నట్లు , ప్రస్తుతం ఈ మూవీ కి సంబంధించిన కథ పనులు వేగ వంతంగా జరుగుతున్నట్లు వార్తలు వచ్చాయి.
అందుకు సంబంధించిన అధికారిక ప్రకటన కూడా ఇప్పటి వరకు వెలబడలేదు. మరి చిరంజీవి మాత్రం ప్రస్తుతం విశ్వంభర మూవీ పైనే తన ఫుల్ కాన్సన్ట్రేషన్ పెట్టాడు. ఆ మూవీ తర్వాత తన నెక్స్ట్ మూవీ పై ఫోకస్ పెట్టనున్నట్లు , కథ కచ్చితంగా అద్భుతంగా ఉంటేనే సినిమా మొదలు పెట్టాలి అని ఆలోచనలో చిరు అందుకే తన తదుపరి మూవీ కి సంబంధించిన అనౌన్స్మెంట్ రావడం లేదు అని తెలుస్తుంది.