సరిలేరు నీకెవ్వరు మ్యాజిక్ ను రిపీట్ చేసేందుకు ప్రయత్నిస్తున్న అనిల్ రావిపూడి..?
తెలుగు సినీ పరిశ్రమలో మంచి గుర్తింపు కలిగిన దర్శకులలో అనిల్ రావిపూడి ఒకరు. ఈయన కళ్యాణ్ రామ్ హీరోగా రూపొందిన పటాస్ అనే సినిమాతో దర్శకుడిగా కెరియర్ను మొదలు పెట్టి మొదటి మూవీ తోనే మంచి విజయాన్ని అందుకున్నాడు. ఆ తరువాత ఈ దర్శకుడు అనేక సినిమాలకు దర్శకత్వం వహించగా అందులో ప్రతి సినిమా కూడా అద్భుతమైన విజయం అందుకుంది. దానితో ఈయన ప్రస్తుతం తెలుగు సినీ పరిశ్రమలో మంచి గుర్తింపు కలిగిన దర్శకుడిగా కెరియర్ను కొనసాగిస్తున్నాడు. ఇకపోతే కొంత కాలం క్రితం అనిల్ రావిపూడి , సూపర్ స్టార్ మహేష్ బాబు హీరోగా రష్మిక మందన హీరోయిన్గా సరిలేరు నీకెవ్వరు అనే పక్కా కమర్షియల్ ఎంటర్టైనర్ మూవీ ని రూపొందించాడు.
ఇక ఈ మూవీ బాక్స్ ఆఫీస్ దగ్గర సూపర్ సక్సెస్ అయింది. అనిల్ , సూపర్ స్టార్ మహేష్ బాబు లాంటి పెద్ద స్టార్ హీరో ఉన్నా కూడా ఈ సినిమాకు సంబంధించిన ప్రీ ప్రొడక్షన్ పనులన్నింటినీ ముందే పూర్తి చేసి సినిమా షూటింగ్ను మొదలు పెట్టాడు. జెట్ స్పీడ్ లో మూవీ ని పూర్తి చేసి సంక్రాంతి పండుగకు విడుదల చేసి మంచి విజయాన్ని అందుకున్నాడు. ఇక ప్రస్తుతం అనిల్ , వెంకటేష్ హీరోగా ఐశ్వర్య రాజేష్ , మీనాక్షి చౌదరి హీరోయిన్లుగా ఓ మూవీ ని రూపొందిస్తున్నాడు. ఈ మూవీ ని వచ్చే సంవత్సరం సంక్రాంతి పండుగ సందర్భంగా విడుదల చేయనున్నట్లు అధికారికంగా ప్రకటించాడు.
ఇక అనిల్ ఈ సినిమాకు సంబంధించిన ప్రీ ప్రొడక్షన్ పనులను కూడా చాలా రోజులు చేశాడు. ఇక ఈ మూవీ షూటింగ్ ప్రారంభం అయ్యింది. జెట్ స్పీడ్ లో ఈ సినిమా షూటింగ్ కూడా పూర్తి అవుతూ వస్తుంది. మరి ప్రీ ప్రొడక్షన్ పనుల్లోనూ , షూటింగ్ విషయంలోనూ సరిలేరు నీకెవ్వరు సినిమాను ఫాలో అవుతున్న అనిల్ కి ఆ సినిమా లాంటి విజయమే అనే వెంకటేష్ మూవీ తో దక్కుతుందో లేదో చూడాలి.