ദളപതി 69; എച്ച് വിനോദിന്റെ സംവിധാനത്തിലൊരുങ്ങുന്ന സിനിമ പ്രഖ്യാപിച്ചു!
ദളപതി 69; എച്ച് വിനോദിന്റെ സംവിധാനത്തിലൊരുങ്ങുന്ന സിനിമ പ്രഖ്യാപിച്ചു! കെവിഎൻ പ്രൊഡക്ഷൻസായിരുന്നു പുതിയ ചിത്രം പ്രഖ്യാപിച്ചത്. സിനിമാലോകവും പ്രേക്ഷകരും ആവേശത്തോടെ ഏറ്റെടുത്തിരിക്കുകയാണ് പുതിയ പ്രഖ്യാപനം. ബ്ലോക്ക്ബസ്റ്റർ ചിത്രങ്ങൾ സമ്മാനിച്ച വിജയ് എന്ന താരവും സൂപ്പർ ഹിറ്റുകൾ സമ്മാനിച്ച സംവിധായകൻ എച്ച്. വിനോദും സൗത്ത് ഇന്ത്യൻ സംഗീത സംവിധാനത്തിലെ മാന്ത്രികൻ അനിരുദ്ധ് രവിചന്ദറും ഒന്നിക്കുമ്പോൾ പ്രേക്ഷകരുടെ ആവേശം ഇരട്ടിയാക്കും. ഇലക്ട്രിഫൈയിങ് പ്രകടനങ്ങിലൂടെ തന്റെ ചിത്രങ്ങളിൽ പ്രേക്ഷക പ്രശംസയും ലോകമെമ്പാടും ആരാധകവൃന്ദവുമുള്ള വിജയ് സാർ അതുല്യ അവതാരത്തിൽ കാണപ്പെടുമെന്നു പ്രൊഡക്ഷൻ ഹൗസ് വ്യക്തമാക്കിയിട്ടുണ്ട്. കലാമൂല്യമുള്ളതും നിലവാരമുള്ളതുമായ സിനിമകൾ നിർമ്മിച്ച വെങ്കട്ട് കെ നാരായണ ആണ് കെ വി എൻ പ്രൊഡക്ഷന്റെ പേരിൽ ചിത്രം നിർമ്മിക്കുന്നത്. ജഗദീഷ് പളനിസ്വാമിയും ലോഹിത് എൻ കെയുമായി ചേർന്നാണ് ദളപതി 69ന്റെ നിർമ്മാണം. തെന്നിന്ത്യൻ സിനിമാലോകവും പ്രേക്ഷകരും ഏറെ ഇഷ്ടപ്പെടുന്ന താരമാണ് വിജയ്.
കേരളത്തിൽ നിന്നും അദ്ദേഹത്തിന്റെ സിനിമകൾക്ക് ഗംഭീര പിന്തുണ ലഭിക്കാറുണ്ട്. ഇപ്പോഴിതാ വിജയുടേതായി ഒരുങ്ങുന്ന പുതിയ സിനിമയെക്കുറിച്ച് ഔദ്യോഗികമായ പ്രഖ്യാപനം നടന്നിരിക്കുകയാണ്.ക്യാരക്ടറായാലും പാട്ടായാലും ആക്ഷനായാലും പ്രേക്ഷകരെ പിടിച്ചിരുത്താറുണ്ട് വിജയ്. ജനങ്ങളുടെ മനസറിഞ്ഞ് സിനിമൊയരുക്കുന്ന സംവിധായകൻ കൂടിയാവുമ്പോൾ സിനിമ എന്തായാലും മോശാവില്ലെന്നുറപ്പാണ്. ആരാധകരെല്ലാം പ്രഖ്യാപനം അറിഞ്ഞപ്പോഴേ ആവേശത്തിലാണ്. ആരാണ് നായികയായി വരുന്നത്, മറ്റ് താരങ്ങളാരൊക്കെയാണ്, അങ്ങനെ കുറേയേറെ ചോദ്യങ്ങള് ഇതിനിടയിൽ ഉയർന്നിട്ടുണ്ട്. വൈകാതെ തന്നെ ആ വിശേഷങ്ങളും അറിയാനാവും. ചിത്രീകരണം തുടങ്ങുന്നതിന് മുൻപ് തന്നെ സിനിമയെക്കുറിച്ചുള്ള കൂടുതൽ വിവരങ്ങൾ ലഭ്യമാക്കാനുള്ള ശ്രമത്തിലാണ് അണിയറപ്രവർത്തകർ.
ഈ വർഷം ഒക്ടോബറിൽ ചിത്രീകരണം ആരംഭിക്കുന്ന ചിത്രം 2025 ഒക്ടോബറിൽ തിയേറ്ററിലേക്കെത്തും. ബ്ലോക്ക്ബസ്റ്ററുകൾ സമ്മാനിച്ച വിജയ് സാറിന്റെ മറ്റൊരു ബ്ലോക്ക്ബസ്റ്റർ ചിത്രമായിരിക്കും ദളപതി 69 എന്ന് അണിയറപ്രവർത്തകർ വ്യക്തമാക്കുന്നു. ആരാധകർക്ക് ആവേശം നൽകുന്ന പ്രഖ്യാപനങ്ങൾ ഉടൻ ഉണ്ടാകുമെന്നും മറ്റു താരങ്ങളെക്കുറിച്ചും അണിയറപ്രവർത്തകരെക്കുറിച്ചുമുള്ള വിവരങ്ങൾ പങ്കുവയ്ക്കുമെന്നും കെ വി എൻ പ്രൊഡക്ഷൻസ് അറിയിച്ചു. ബ്ലോക്ക് ബസ്റ്റർ ദളപതി വിജയ് ചിത്രം ലിയോക്ക് ശേഷം പ്രതീഷ് ശേഖറാണ് ചിത്രത്തിന്റെ കേരള പി ആർ ഓ ആൻഡ് മാർക്കറ്റിംഗ് കൺസൾട്ടന്റ് ആയി പ്രവർത്തിക്കുന്നത്. സിനിമയെക്കുറിച്ചുള്ള കൂടുതൽ വിവരങ്ങൾ അറിയാനായി അക്ഷമയോടെ കാത്തിരിക്കുകയാണ് ആരാധകർ.