చరణ్.. తారక్ ఒకరు రిజెక్ట్ చేసిన కథతో మరొకరు మూవీ.. రిజల్ట్ గురించి అందరి ఎదురుచూపులు..?
సినిమా ఇండస్ట్రీలో ఒకరు రిజెక్ట్ చేసిన కథతో మరొకరు సినిమా చేయడం అనేది చాలా సర్వసాధారణంగా జరుగుతూ ఉంటుంది. ఇకపోతే తెలుగు సినీ పరిశ్రమలో స్టార్ హీరోలు అయినటువంటి రామ్ చరణ్ రిజెక్ట్ చేసిన కథతో జూనియర్ ఎన్టీఆర్ , జూనియర్ ఎన్టీఆర్ రిజెక్ట్ చేసిన కథతో రామ్ చరణ్ సినిమాలు చేస్తున్నారు. మరి ఆ సినిమాలు ఏవి అనే వివరాలు తెలుసుకుందాం. యంగ్ టైగర్ జూనియర్ ఎన్టీఆర్ తాజాగా కొరటాల శివ దర్శకత్వంలో దేవర అనే సినిమాలో హీరోగా నటించిన విషయం మన అందరికీ తెలిసిందే. ఈ మూవీ కథను కొరటాల మొదట రామ్ చరణ్ కు చెప్పినట్లు కానీ ఆయన కొన్ని కారణాల వల్ల ఈ సినిమా కథను రిజెక్ట్ చేసినట్లు ఓ వార్త వైరల్ అవుతుంది.
ఆ తర్వాత ఇదే కథను అల్లు అర్జున్ కి కొరటాల వివరించగా , ఆయన కూడా ఈ స్టోరీ ని రిజెక్ట్ చేసినట్లు దానితో కొరటాల ఈ సినిమా కథను జూనియర్ ఎన్టీఆర్ కి వినిపించగా ఆయన ఓకే చేసినట్లు తెలుస్తోంది. మరి ఈ సినిమా సెప్టెంబర్ 27 వ తేదీన విడుదల కానుంది. ఈ సినిమా ఏ స్థాయి విజయాన్ని అందుకుంటుందో చూడాలి. మెగా పవర్ స్టార్ రామ్ చరణ్ మరి కొంత కాలం లోనే బుచ్చిబాబు సన దర్శకత్వంలో ఓ మూవీ చేయబోతున్న విషయం మన అందరికీ తెలిసిందే. ఈ మూవీ కి సంబంధించిన పూజా కార్యక్రమాలు కూడా పూర్తి అయ్యాయి. మరికొన్ని రోజుల్లోనే ఈ సినిమా రెగ్యులర్ షూటింగ్ కూడా ప్రారంభం కాబోతోంది.
ఇకపోతే బుచ్చిబాబు ఈ కథతో యంగ్ టైగర్ జూనియర్ ఎన్టీఆర్ హీరోగా సినిమా చేయాలి అనుకున్నాడట. కానీ ఆయన రిజెక్ట్ చేయడంతో రామ్ చరణ్ కు ఈ స్టోరీ చెప్పడం , రామ్ చరణ్ కు ఆ కథ బాగా నచ్చడంతో గ్రీన్ సిగ్నల్ ఇవ్వడం జరిగినట్లు తెలుస్తోంది. ఇలా రామ్ చరణ్ రిజెక్ట్ చేసిన కథతో జూనియర్ ఎన్టీఆర్ , జూనియర్ ఎన్టీఆర్ రిజెక్ట్ చేసిన కథతో చరణ్ సినిమా చేయనున్నట్లు తెలుస్తోంది.