సమంత విషయంలో అబద్దం చెప్పిన ప్రభాస్.. అసలు మ్యాటర్ ఏంటంటే..?
టాలీవుడ్ హీరోయిన్ సమంత గత కొంతకాలంగా సినిమాలకు దూరంగా ఉంటున్న సంగతి తెలిసిందే. అయితే గతంలో ఈ అమ్మడు టాలీవుడ్ స్టార్ బ్యూటీగా ఓవెలుగు వెలిగింది. వరుస సినిమాలతో భారీ బ్లాక్ బస్టర్ సక్సెస్లను అందుకుంది. ఇందులో భాగంగా మహేష్ బాబు, రామ్ చరణ్ , ఎన్టీఆర్, అల్లు అర్జున్, పవన్ కళ్యాణ్ లాంటి స్టార్ హీరోల సరసన నటించి ఆకట్టకుంది అయితే సమంతకు ప్రభాస్తో నటించే ఛాన్స్ మాత్రం రాలేదు.ఇదిలావుండగా యంగ్ రెబల్ స్టార్ ప్రభాస్ చివరగా కల్కి చిత్రంతో కళ్ళు చెదిరే బ్లాక్ బస్టర్ అందుకున్నారు. కల్కి వరల్డ్ వైడ్ గా 1000 కోట్లకి పైగా వసూళ్లు సాధించింది. బాహుబలి తర్వాత ప్రభాస్ కి అంతటి విజయాన్ని అందించిన చిత్రం కల్కి. ప్రస్తుతం ప్రభాస్.. హను రాఘవపూడి దర్శకత్వంలో భారీ చిత్రంలో నటించేందుకు రెడీ అవుతున్నాడు. ఇటీవలే ఈ చిత్రం గ్రాండ్ లాంచ్ జరిగింది. ఈ మూవీలో ఇమాన్వి అనే ఇంస్టాగ్రామ్ సెలెబ్రిటీని హీరోయిన్ గా ఎంపిక చేశారు. అయితే ఫ్యాన్స్ ఒక విషయాన్ని నిరాశతో ఉన్నారు. ప్రభాస్, సమంత కాంబినేషన్ లో ఇంత వరకు ఒక్క చిత్రం కూడా రాలేదు.
ప్రభాస్ తన కెరీర్ లో నయనతార, త్రిష, తమన్నా, అనుష్క, శ్రీయ, కాజల్ ఇలా చాలా మంది స్టార్ హీరోయిన్లతో నటించారు. కానీ సమంత కాంబినేషన్ లో ఒక్క చిత్రం కూడా లేదు.
సమంత కూడా.. మహేష్ బాబు, పవన్ కళ్యాణ్, ఎన్టీఆర్, రాంచరణ్, అల్లు అర్జున్ లతో సూపర్ హిట్ చిత్రాల్లో నటించింది. ప్రభాస్ తో నటించే ఛాన్స్ మాత్రం అందుకోలేదు. ఓ ఇంటర్వ్యూలో ప్రభాస్ సమంత తో ఎందుకు నటించేలేదు అనే ప్రశ్న కి ఆసక్తికర సమాధానం ఇచ్చారు.సమంతతో సినిమా చేయడానికి ప్రయత్నాలు జరిగాయట. కానీ హైట్ సమస్య వల్లే తనతో కాంబినేషన్ సెట్ కాలేదు అని ప్రభాస్ సమాధానం ఇచ్చాడు. నిజంగా ప్రభాస్ ఇచ్చిన సమాధానం షాకింగ్ అనే చెప్పాలి. హైట్ ని లోపంగా ఎత్తి చూపే సాహసం ఎవరూ చేయరు. కానీ ప్రభాస్ అదే సమస్య అంటూ ఓపెన్ అయ్యారు. ప్రభాస్ ఎత్తు ఆరడుగుల పైనే. మహేష్ బాబు కూడా ఆరడుగుల ఎత్తు ఉంటారు. కానీ మహేష్ తో సమంత దూకుడు, సీతమ్మ వాకిట్లో సిరిమల్లె చెట్టు లాంటి చిత్రాల్లో నటించి సూపర్ హిట్ అందుకుంది. దర్శకులు కనుక డిసైడ్ అయితే హైట్ సమస్య కాదు అని నెటిజన్లు అంటున్నారు. సాహో చిత్రంలో ముందుగా సమంతకే ఛాన్స్ వచ్చిందని.. కానీ చివరికి శ్రద్దా దాస్ ని తీసుకున్నారనే రూమర్స్ కూడా ఉన్నాయి.