ఒక్క ఫ్లాప్ తో చిరుతో సినిమా అంటేనే భయపడిన దర్శకుడు..?
తెలుగు సినీ పరిశ్రమలో స్టార్ హీరోలలో ఒకరు అయినటువంటి మెగాస్టార్ చిరంజీవి గురించి ప్రత్యేక పరిచయం అవసరం లేదు. చిరంజీవితో సినిమా అంటే చాలా మంది దర్శకులు ఎగిరి గంతేసి ఒప్పుకుంటూ ఉంటారు. కానీ ఓ దర్శకుడు మాత్రం ఆయనతో సినిమా అంటే భయపడ్డాడట. ఆ దర్శకుడు ఎవరు..? ఎందుకు భయపడ్డాడు అనే వివరాలు తెలుసుకుందాం. టాలీవుడ్ ఇండస్ట్రీలో సూపర్ క్రేజ్ కలిగిన దర్శకులలో బి గోపాల్ ఒకరు. ఈయన తెలుగు సినీ పరిశ్రమలో స్టార్ హీరోలుగా కొనసాగుతున్న చిరంజీవి , బాలకృష్ణ , నాగార్జున , వెంకటేష్ వీరందరితో సినిమాలు చేసి అందరితో బ్లాక్ బాస్టర్ విజయాలను అందుకున్నాడు.
మరి ముఖ్యంగా ఈయన చిరంజీవి , బాలకృష్ణ , వెంకటేష్ లకు బ్లాక్ బాస్టర్ విజయాలను అందించాడు. ఇంత గొప్ప ట్రాక్ రికార్డు కలిగిన ఈయన చిరంజీవితో సినిమా అంటే మాత్రం భయపడ్డాడట. అది ఎందుకు అనుకుంటున్నారా ..? చిరంజీవి తో మెకానిక్ అల్లుడు అనే సినిమాను గోపాల్ రూపొందించాడు. ఆ మూవీ బాక్స్ ఆఫీస్ దగ్గర ఫ్లాప్ అయ్యింది. ఆ తర్వాత ఆయనకు అశ్వినీ దత్ బ్యానర్లో చిరుతో మూవీ అవకాశం వచ్చింది. ఇక ఆయన చిరంజీవితో మూవీ కోసం చిన్ని కృష్ణ దగ్గర ఉన్న కథను విన్నాడట. కానీ ఆ కథ ఆయనకు నచ్చలేదు. దానితో ఆయన చిరంజీవితో సినిమా చేయకూడదు అనుకున్నాడట.
దానికి ప్రధాన కారణం ఆయన అప్పటికే సమరసింహా రెడ్డి నరసింహనాయుడు అనే ఫ్యాక్షన్ సినిమాలను చేసి ఉండడం , చిన్ని కృష్ణ దగ్గర ఉన్న కథ కూడా దాదాపుగా అలాగే ఉండడంతో మరో సారి ఏదైనా తేడా కొట్టి మెకానిక్ అల్లుడు లా ఈ సినిమా ఫ్లాప్ అయితే బాగుండదు. చిరంజీవికి కచ్చితంగా హిట్ ఇవ్వాలి. ఇలాంటి సినిమా చేయకూడదు అని ఆయన భయపడ్డాడట. కానీ చివరకు చిరంజీవి తో చిన్ని కృష్ణ కథతో ఇంద్ర మూవీ ని రూపొందించి ఇండస్ట్రీ హిట్ ను గోపాల్ కొట్టాడు.