దేవర ను ఓటీటీ లో చూద్దాం అనుకుంటున్నారా.. అయితే మీరు ఏకంగా అన్ని రోజులు ఆగాల్సిందే..?
టాలీవుడ్ ఇండస్ట్రీలో తనకంటూ ఒక మంచి గుర్తింపును ఏర్పరచుకున్న హీరోలలో ఒకరు అయినటువంటి యంగ్ టైగర్ జూనియర్ ఎన్టీఆర్ తాజాగా కొరటాల శివ దర్శకత్వంలో రూపొందిన దేవర అనే భారీ బడ్జెట్ పాన్ ఇండియా మూవీ లో హీరో గా నటించాడు. ఈ మూవీ లో బాలీవుడ్ నటి జాన్వి కపూర్ హీరోయిన్గా నటించగా ... బాలీవుడ్ నటుడు సైఫ్ అలీ ఖాన్ ఈ సినిమాలో విలన్ పాత్రలో నటించాడు. అనిరుద్ రవిచంద్రన్ ఈ సినిమాకు సంగీతం అందించాడు. మొత్తం రెండు భాగాలుగా విడుదల కానున్న ఈ సినిమా యొక్క మొదటి భాగాన్ని సెప్టెంబర్ 27 వ తేదీన విడుదల చేయనున్నారు.
ఈ మధ్య కాలంలో కొంత మంది సినీ ప్రేమికులు సినిమాలను థియేటర్లలో చూడటం కంటే ఓ టీ టీ లో చూడడం బెటర్ అనే ఆలోచనకు వచ్చిన విషయం మన అందరికీ తెలిసిందే. దానికి ప్రధాన కారణం కొన్ని మూవీలు థియేటర్లలో విడుదల అయిన నెల రోజులు తిరగకుండానే ఓ టీ టీ లోకి వచ్చేస్తున్నాయి. మరికొన్ని సినిమాలు వారం , రెండు వారాల్లో ఓ టీ టీ లోకి వచ్చిన సందర్భాలు కూడా ఉన్నాయి. దానితో చాలా మంది థియేటర్లకు వెళ్లి పెద్ద మొత్తంలో డబ్బులు ఖర్చు పెట్టి సినిమా చూడడం కంటే వారం , పది రోజుల్లో ఓ టీ టీ లోకి సినిమాను వచ్చేస్తాయి. అక్కడ ఎంచక్కా చూడొచ్చు అనే ఉద్దేశంలో ఉన్న జనాలు కూడా ఉన్నారు.
ఇకపోతే దేవర విషయంలో మాత్రం మూవీ యూనిట్ చాలా పెద్ద నిర్ణయం తీసుకున్నట్లు తెలుస్తోంది. ఈ మూవీ థియేటర్లలో విడుదల అయిన తర్వాత 50 రోజులు పూర్తి అయ్యాకే ఓ టీ టీ లో అందుబాటులోకి రానున్నట్లు తెలుస్తోంది. దానితో ఎవరైనా ఈ సినిమాను థియేటర్లలో కాకుండా ఓ టి టి లో చూద్దాం అనుకున్నట్లయితే వారు ఏకంగా 50 రోజుల పాటు వెయిట్ చేస్తేనే ఈ సినిమాను ఓ టీ టీ లో చూసే అందుబాటు ఉండే అవకాశం ఉన్నట్లు తెలుస్తోంది.