దేవర రిజల్ట్ తో టెన్షన్లో మహేష్ ఫ్యాన్స్..?
టాలీవుడ్ ఇండస్ట్రీలో అద్భుతమైన క్రేజ్ కలిగిన దర్శకులలో ఎస్ ఎస్ రాజమౌళి ఒకరు . ఈయన ఇప్పటి వరకు ఎన్నో సినిమాలకు దర్శకత్వం వహించగా అందులో అన్ని సినిమాలు కూడా బ్లాక్ బస్టర్ విజయాలను అందుకున్నాయి . ఇక ఈయన సినిమాలలో హీరోగా నటించిన వారికి అద్భుతమైన స్థాయిలో క్రేజ్ వస్తూ ఉంటుంది. అలా క్రేజ్ వస్తుంది కానీ ఈయన సినిమాలలో హీరోగా నటించిన తర్వాత ఏ హీరోకు కూడా ఇప్పటి వరకు విజయం దక్కలేదు. ఇది ఇలా ఉంటే రాజమౌళి ఆఖరుగా ఆర్ ఆర్ ఆర్ అనే సినిమాకు దర్శకత్వం వహించాడు.
ఈ సినిమా అద్భుతమైన విజయాన్ని అందుకొని ప్రపంచ వ్యాప్తంగా 1200 కోట్లకు పైగా కలెక్షన్లను కొల్లగొట్టింది. ఈ మూవీ లో మెగా పవర్ స్టార్ రామ్ చరణ్ , యంగ్ టైగర్ జూనియర్ ఎన్టీఆర్ హీరోలుగా నటించారు. వీరిద్దరికీ ఈ సినిమా ద్వారా ప్రపంచ వ్యాప్తంగా మంచి గుర్తింపు లభించింది. ఆర్ ఆర్ ఆర్ మూవీ తర్వాత రామ్ చరణ్ "ఆచార్య" సినిమాలో ఓ కీలకమైన పాత్రలో నటించాడు. ఈ మూవీ భారీ డిజాస్టర్ ను బాక్స్ ఆఫీస్ దగ్గర అందుకుంది. ఇకపోతే జూనియర్ ఎన్టీఆర్ తాజాగా దేవర పార్ట్ 1 మూవీ తో ప్రేక్షకుల ముందుకు వచ్చాడు.
ఈ సినిమాకు కూడా నెగిటివ్ టాక్ వచ్చింది. ఇకపోతే రాజమౌళి తన తదుపరి మూవీ ని మహేష్ బాబు తో చేయబోతున్నాడు. ఈ మూవీ మరికొన్ని రోజుల్లోనే స్టార్ట్ కానుంది. ఇక ఈ మూవీ తో మహేష్ బాబు కు ప్రపంచ వ్యాప్తంగా క్రేజ్ వస్తుంది అని మహేష్ అభిమానులు ఎన్నో ఆశలు పెట్టుకున్నారు. కానీ రాజమౌళి సినిమా తర్వాత మహేష్ కు సక్సెస్ దక్కుతుందా లేదా అని వారు టెన్షన్ పడుతున్నట్లు తెలుస్తోంది.