తెలంగాణలో రాజస్థాన్ సెట్.. హైప్స్ పెంచేస్తున్న బాలయ్య సినిమా..?
నటసింహం నందమూరి బాలకృష్ణ భగవంత్ కేసరి, వీరసింహారెడ్డి సినిమాలతో బ్యాక్ టు బ్యాక్ బ్లాక్ బస్టర్ హిట్స్ అందుకున్నారు. ప్రస్తుతం డైరెక్టర్ బాబీ దర్శకత్వంలో మరో యాక్టింగ్ సినిమా చేస్తున్నారు. ఈ సినిమాపై నెక్స్ట్ లెవెల్ లో అంచనాలు నెలకొన్నాయి. ఈ మూవీ గురించి కొన్ని లీవ్స్ కూడా రిలీజ్ అవుతున్నాయి. హాలీవుడ్ రేంజ్ లో ఇందులో యాక్షన్ ఎపిసోడ్ ఒకటి ఉందని, ఇదే ఈ సినిమాకి పెద్ద ప్లస్ పాయింట్ కాబోతుందని కొంతమంది అంటున్నారు. ఇక ఇంటర్వెల్‌లో వచ్చే ఒక సీన్ కూడా మూవీని, బాలయ్య బాబును బాగా ఎలివేట్ చేస్తుందట. ఈ అన్ని రూమర్స్ నడుమ బాలకృష్ణ బాబీ కాంబో మూవీకి సంబంధించి ఒక రియల్, క్రేజీ అప్‌డేట్ బయటకు వచ్చింది.
అదేంటంటే ఈ సినిమా కోసం ఎడారి ప్రాంతం.. రాజస్థాన్‌లోని పల్లెటూరును తలపించేలా ఓ సినిమా సెట్ ఏర్పాటు చేయడం జరిగింది. అది కూడా మన తెలుగు రాష్ట్రమైన తెలంగాణలో యాదాద్రి భువనగిరి జిల్లాలో! ఈ జిల్లాలోని చౌటుప్పల్‌ మండలంలో దండుమల్కాపురం ఊరు ఉంది. దీనికి సమీపంలోనే ఓ ఇండస్ట్రియల్ పార్కు కూడా ఉంది. సరిగ్గా దీని పక్కనే హైదరాబాద్‌-విజయవాడ జాతీయ రహదారిని ఆనుకొని రాజస్థాన్ సెట్ అద్భుతంగా వేశారు. ఆ సెట్ కు సంబంధించిన ఫోటోలు పెద్ద ఎత్తున వైరల్ అవుతున్నాయి వాటిని చూసి బాలకృష్ణ ఫ్యాన్స్ ఫీలవుతున్నారు. ఎడారిలో రక్తపుటేరులు బాలకృష్ణ పారిస్తారా అని కొందరు కామెంట్లు చేస్తున్నారు. ఈ సెట్స్ లో పూరి గుడిసెలు ఇంకా ఎడారి ప్రాంతంలో ప్రజలు నిర్మించుకునే ఇతర ఇళ్లు ఉన్నాయి.