ఓజి : తెలుగు రాష్ట్రాల హక్కులకు ఎన్ని కోట్లు డిమాండ్ చేస్తున్నారో తెలిస్తే షాక్ అవ్వాల్సిందే..?
పవర్ స్టార్ పవన్ కళ్యాణ్ హీరోగా ప్రియాంక అరుల్ మోహన్ హీరోయిన్ గా సుజిత్ దర్శకత్వంలో కొంత కాలం క్రితం ఓజి అనే పవర్ఫుల్ యాక్షన్ ఎంటర్టైనర్ మూవీ స్టార్ట్ అయిన విషయం మన అందరికీ తెలిసిందే. ఈ మూవీ ని డి వి వి ఎంటర్టైన్మెంట్ బ్యానర్ పై ప్రముఖ నిర్మాత డి వి వి దానయ్య నిర్మిస్తూ ఉండగా ఎస్ ఎస్ తమన్ ఈ సినిమాకు సంగీతం అందిస్తున్నాడు. ఈ సినిమా షూటింగ్ మొదలు అయిన తర్వాత కొంత కాలం పాటు ఫుల్ స్పీడ్ గా ఈ మూవీ షూటింగ్ కంప్లీట్ అవుతూ వచ్చింది. అలా షూటింగ్ జరిగిన సందర్భం లోనే ఈ మూవీ కి సంబంధించిన ఒక చిన్న వీడియోను కూడా మేకర్స్ విడుదల చేశారు.
అది అదిరిపోయే రేంజ్ లో ప్రేక్షకులను ఆకట్టుకునే విధంగా ఉండడంతో ఈ మూవీ పై ప్రేక్షకుల్లో అంచనాలు ఒక్క సారిగా పెరిగిపోయాయి. ఇకపోతే పవన్ కళ్యాణ్ రాజకీయాలపై దృష్టి పెట్టడంతో ఈ సినిమా షూటింగ్ నిలిచిపోయింది. మరికొన్ని రోజుల్లోనే ఈ మూవీ యొక్క షూటింగ్ తిరిగి ప్రారంభం కాబోతున్నట్లు తెలుస్తోంది. గతంలో ఈ సినిమాను సెప్టెంబర్ 27 వ తేదీన విడుదల చేయనున్నట్లు మేకర్స్ ప్రకటించారు. ఇక ఈ సినిమా షూటింగ్ స్పీడ్ గా జరుగుతున్న సమయంలో ఈ మూవీ ని 110 కోట్లకు రెండు తెలుగు రాష్ట్రాల హక్కులను అమ్మివేయాలి అని మేకర్స్ అనుకున్నారట.
కానీ ప్రస్తుతం ఈ సినిమాపై ప్రేక్షకుల్లో భారీ అంచనాలు ఉండడం , ఈ మధ్య కాలంలో స్టార్ హీరోల సినిమాలకు భారీ కలెక్షన్లు రెండు తెలుగు రాష్ట్రాల్లో దక్కుతుండడంతో ఏకంగా ఈ మూవీ యొక్క రెండు తెలుగు రాష్ట్రాల థియేటర్ హక్కులకు ఈ మూవీ బృందం వారు 150 కోట్లు డిమాండ్ చేస్తున్నట్లు తెలుస్తోంది. మరి ఈ సినిమా యొక్క రెండు తెలుగు రాష్ట్రాల థియేటర్ హక్కులు ఏ ధరకు అమ్ముడుపోతాయో చూడాలి.