వెంకటేష్ : అప్పటివరకు ఒక ఇమేజ్.. అప్పటినుండి వేరే లెవెల్.. వెంకటేష్ కెరీర్ను టర్న్ చేసిన బొబ్బిలి రాజా..?
టాలీవుడ్ ఇండస్ట్రీలో అద్భుతమైన క్రేజ్ కలిగిన హీరోలలో ఒకరు అయినటువంటి విక్టరీ వెంకటేష్ "కలియుగ పాండవులు" అనే సినిమాతో వెండి తెరకు పరిచయం అయ్యాడు . టాలీవుడ్ ఇండస్ట్రీలో ఎంతో గొప్ప గుర్తింపు కలిగిన నిర్మాత అయినటువంటి రామానాయుడు కుమారుడు కావడంతో ఈయన మొదటి సినిమాపై ఆ సమయంలో ప్రేక్షకులు భారీ అంచనాలు పెట్టుకున్నారు. భారీ అంచనాల నడుమ విడుదల అయిన ఈ సినిమా మంచి విజయాన్ని అందుకుంది. ఇక ఆ తర్వాత వెంకటేష్ చాలా సినిమాలలో నటిస్తూ వచ్చాడు.
అందులో చాలా తక్కువ సినిమాలే మంచి విజయాలను సాధిస్తూ వచ్చాయి. దానితో ఆయన కెరియర్ పర్వాలేదు అనే స్థాయిలో కొనసాగుతూ వచ్చింది. అలాంటి సమయంలోనే విక్టరీ వెంకటేష్ , బి గోపాల్ దర్శకత్వంలో బొబ్బిలి రాజా అనే సినిమాలో హీరోగా నటించాడు. ఈ మూవీ లో దివ్య భారతి హీరోయిన్గా నటించింది. ఇళయరాజా సంగీతం అందించిన ఈ మూవీ ని సురేష్ ప్రొడక్షన్స్ బ్యానర్ పై డి సురేష్ బాబు నిర్మించారు. ఈ సినిమా 1990 సంవత్సరం సెప్టెంబర్ 14 వ తేదీన విడుదల అయింది. మంచి అంచనాల నడుమ విడుదల అయిన ఈ సినిమా అద్భుతమైన టాక్ ను తెచ్చుకుంది.
ఈ సినిమా సూపర్ సాలిడ్ కలెక్షన్లను బాక్స్ ఆఫీస్ దగ్గర వసూలు చేసి బ్లాక్ బాస్టర్ విజయాన్ని అందుకుంది. ఈ మూవీ కంటే ముందు వెంకటేష్ ఎన్నో సినిమాలలో నటించిన ఈ స్థాయి విజయం మాత్రం అప్పటి వరకు ఆయనకు దక్కలేదు. ఈ మూవీ లో వెంకటేష్ తన అద్భుతమైన పర్ఫామెన్స్ తో ప్రేక్షకులను ఆకట్టుకున్నాడు. తెలుగు సినీ పరిశ్రమలో తనకంటూ ఒక ప్రత్యేక ఇమేజ్ను ఈ మూవీ తో వెంకటేష్ దక్కించుకున్నాడు. ఈ సినిమాతో ఈయనకు మాస్ జనాల్లో అద్భుతమైన క్రేజ్ వచ్చింది.