రాజమౌళి సినిమా తర్వాత మహేష్ రూట్ క్లియర్.. తనకి కలిసొచ్చిన డైరెక్టర్ తో సినిమా..?
టాలీవుడ్ ఇండస్ట్రీ లో సూపర్ క్రేజ్ కలిగిన హీరోల లో మహేష్ బాబు ఒకరు. మహేష్ బాబు ఇప్పటి వరకు ఎన్నో అద్భుతమైన విజయవంతమై న సినిమాలలో హీరో గా నటించి తెలుగు సినీ పరిశ్రమ లో స్టార్ హీరోగా కెరియర్ను కొనసాగిస్తున్నాడు. ఇకపోతే మహేష్ తన తదుపరి మూవీ ని రాజమౌళి తో చేయబోతున్నాడు. ఇప్పటికే ఇందుకు సంబంధించిన అధికారిక ప్రకటన కూడా వెలువడింది. రాజమౌళి సినిమా కోసం మహేష్ సరికొత్త లుక్ లోకి రావడం కోసం ప్రస్తుతం అనేక కసరత్తులు కూడా చేస్తున్నాడు. ఇకపోతే రాజమౌళి సినిమా ద్వారా మహేష్ కు ఇండియా వ్యాప్తంగా క్రేజ్ వచ్చే అవకాశాలు చాలా ఎక్కువ శాతం ఉన్నాయి.
ఇక రాజమౌళి సినిమా తర్వాత మహేష్ ఏ దర్శకుడితో సినిమా చేయనున్నాడు అనే వార్తలు చాలానే వస్తున్నాయి. ఇకపోతే మహేష్ , కొరటాల మంచి స్నేహితులు. వీరి కాంబినేషన్లో మొదటగా శ్రీమంతుడు అనే మూవీ వచ్చి అద్భుతమైన విజయం అందుకుంది. ఆ తర్వాత భరత్ అనే నేను సినిమా వచ్చి ఈ మూవీ కూడా మంచి విజయం అందుకుంది. ఇక మహేష్ కి కొరటాల రెండు విజయాలు ఇవ్వడం , అలాగే వీరిద్దరి మధ్య స్నేహం కూడా ఉంది.
అలాగే కొన్ని రోజుల క్రితమే కొరటాల యంగ్ టైగర్ జూనియర్ ఎన్టీఆర్ హీరోగా దేవర పార్ట్ 1 అనే మూవీ ని రూపొందించాడు. ఈ సినిమా సూపర్ సక్సెస్ సాధించడంతో రాజమౌళి సినిమా తర్వాత మహేష్ , కొరటాలతో సినిమా చేసే అవకాశాలు చాలా వరకు ఉన్నాయి అనే వార్తలో కూడా వైరల్ అవుతున్నాయి. ఇకపోతే మహేష్ , కొరటాల కాంబోలో సినిమా సెట్ అయితే దానిపై భారీ స్థాయిలో అంచనాలు నెలకొనే అవకాశాలు కూడా చాలా వరకు ఉన్నాయి.