అంతా అనుకున్నట్లు జరిగితే గేమ్ చేంజర్ కి తిరుగేలేదు.. ఆరు రోజుల్లో ఎన్ని వందల కోట్లో..?
మెగా పవర్ స్టార్ రామ్ చరణ్ తాజాగా గేమ్ చేంజర్ అనే సినిమాలో హీరో గా నటించిన విషయం మన అందరికీ తెలిసిందే. ఈ సినిమాను శ్రీ వెంకటేశ్వర క్రియేషన్స్ బ్యానర్ పై ప్రముఖ నిర్మాత దిల్ రాజు అత్యంత భారీ బడ్జెట్ తో నిర్మిస్తున్నాడు. ఈ సినిమాకు ఎస్ ఎస్ తమన్ సంగీతం అందిస్తుండగా ... ఎస్ జే సూర్య ఈ మూవీ లో విలన్ పాత్రలో నటించాడు. శంకర్ దర్శకత్వంలో రూపొందిన ఈ సినిమాలో కియార అద్వాని , చరణ్ కి జోడిగా నటించగా ... అంజలి , శ్రీకాంత్ , సునీల్ , నవీన్ చంద్ర ఈ మూవీ లో ముఖ్య పాత్రలలో నటించారు.
ఇకపోతే ఈ సినిమాను కొంత కాలం క్రితం ఈ సంవత్సరం డిసెంబర్ 20 వ తేదీన విడుదల చేయనున్నట్లు మేకర్స్ అధికారికంగా ప్రకటించారు. ఆ తర్వాత ఈ సినిమాను డిసెంబర్ 20 వ తేదీన కాకుండా వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు అధికారికంగా అనౌన్స్మెంట్ విడుదల చేశారు. ఇకపోతే అన్ని అనుకున్నట్లుగా జరిగి ఈ సినిమా చెప్పినట్లుగా జనవరి 10 వ తేదీన విడుదల అయ్యి మంచి టాక్ లు కనుక తెచ్చుకున్నట్లయితే ఈ సినిమాకు తిరుగేలేదు అని పలువురు అభిప్రాయ పడుతున్నారు.
ఎందుకు అంటే ... ఈ సినిమా జనవరి 10 వ తేదీన విడుదల అవుతుంది. ఆ రోజు రిలీజ్ డే కాబట్టి ఎలాగో ఓపెనింగ్ అదిరిపోయే రేంజ్ లో వస్తాయి. ఆ తర్వాత జనవరి 11 వ తేదీ శనివారం అవుతుంది. అలాగే 12 ఆదివారం అవుతుంది. 13 భోగి , 14 సంక్రాంతి , 15 కనుమ వస్తుంది. ఇలా ఈ సినిమాకు విడుదల తేదీ తర్వాత ఐదు రోజులు హాలి డేస్ రానున్నాయి. దీనితో ఈ సినిమాకు మంచి టాక్ వస్తే వందల కోట్ల కనెక్షన్లు ఈ ఆరు రోజుల్లోనే వచ్చే అవకాశం ఉంది అని చాలా మంది అభిప్రాయ పడుతున్నారు.