లెక్కల మాస్టారు టూ క్రియేటివ్ డైరెక్టర్.. సుకుమార్ కెరీర్ లో ఊహించని మలుపులు..!!
టాలీవుడ్ క్రియేటివ్ డైరెక్టర్ సుకుమార్ గురించి ప్రత్యేకంగా చెప్పాల్సిన పని లేదు.. డిఫరెంట్ గా మూవీస్ తెరకెక్కించే టాలీవుడ్ దర్శకులలో సుకుమార్ ఎప్పుడూ ముందుంటారు...లెక్కల మాస్టారుగా వున్న ఆయన ఆర్య సినిమాతో డైరెక్టర్ గా మారారు.. తన ఫస్ట్ సినిమా అల్లు అర్జున్ తో తెరకెక్కించడం విశేషం.. అప్పటికే అల్లు అర్జున్ గంగోత్రి సినిమాతో సినీ ఎంట్రీ ఇచ్చాడు.. అయితే ఆ సినిమా హిట్ అయిన కూడా అల్లు అర్జున్ లుక్ పై బాగా విమర్శలు వచ్చాయి.. దీనితో అల్లు అర్జున్ కొంత గ్యాప్ తీసుకొని దర్శకుడు సుకుమార్ చెప్పిన స్టోరీకి ఓకే అన్నారు.. ఆర్య సినిమాతో డైరెక్టర్ గా సుకుమార్ కి, హీరోగా అల్లు అర్జున్ కి, నిర్మాతగా దిల్ రాజు కి మంచి విజయం దక్కింది.. అల్లు అర్జున్ కెరీర్ లో ఫస్ట్ బ్లాక్ బస్టర్ గా నిలిచింది.. ఆర్య సినిమాతో టాలీవుడ్ హీరోలకు సుకుమార్ టాలెంట్ తెలిసొచ్చింది..
ఆర్య తరువాత సుకుమార్ యంగ్ హీరో రామ్ తో తెరకెక్కించిన జగడం సినిమా ఆశించిన విజయం అందుకోకపోయిన సుకుమార్ స్క్రీన్ ప్లే అదిరిపోతుంది.. డిఫరెంట్ జోనర్ లో తెరకెక్కిన జగడం మూవీ యూత్ కి బాగా కనెక్ట్ అయింది.. ఆ తరువాత వచ్చిన అర్య 2 ప్లాప్ అయింది.. కానీ సినిమాలో సుకుమార్ మార్క్ కనిపిస్తుంది.. ఇక నాగ చైతన్యతో తెరకెక్కించిన “100%లవ్ “సినిమాను దర్శకుడు సుకుమార్ లవ్ స్టోరీస్ లో సరికొత్త వెర్షన్ గా తెరకెక్కించడంతో ప్రేక్షకులకు విపరీతంగా నచ్చింది..ఆ సినిమా సూపర్ హిట్ అయింది..
సుకుమార్ కెరీర్ లో తెరకెక్కిన మరో బిగ్గెస్ట్ మూవీ “1 నేనొక్కడినే”.. సూపర్ స్టార్ మహేష్ బాబు హీరోగా తెరకెక్కించిన ఈ సినిమా ప్రేక్షకులను అంతగా ఆకట్టుకోలేదు.. కానీ దర్శకుడిగా సుకుమార్ క్రియేటివిటి చూసాక ప్రశంసించకుండా ఉండలేము..హాలీవుడ్ రేంజ్ యాక్షన్ ఎపిసోడ్స్ వున్న ఆ సినిమా ఆశించిన విజయం అందుకోలేదు.. ఆ తరువాత ఎన్టీఆర్ తో తెరకెక్కించిన ‘నాన్నకు ప్రేమతో ‘ సినిమా సుకుమార్ లో మరో కోణాన్ని బయటకు తీసింది.. తండ్రి కోరిక తీర్చడం కోసం కొడుకు చేసే ప్రయత్నాన్ని దర్శకుడు సుకుమార్ అద్భుతంగా చూపించాడు.. ఎన్టీఆర్ లో మాస్ హీరోనే కాదు అందరికి నచ్చే క్లాస్ హీరో కూడా వున్నాడని సుకుమార్ నిరూపించాడు.. నాన్నకు ప్రేమతో సినిమా మంచి విజయం సాధించింది.
బ్లాక్ బస్టర్ కోసం ఎదురు చూస్తున్న సమయంలో సుకుమార్ తెరకెక్కించిన మూవీ ‘రంగస్థలం’..
అప్పుడే నటుడుగా ప్రూవ్ చేసుకుంటున్న రామ్ చరణ్ తో సుకుమార్ ఈ సినిమా చేసాడు.. తన సినిమాలకు పూర్తి భిన్నంగా తెరకెక్కిన రంగస్థలం ఊహించని విజయం సాధించింది.. నటుడుగా రాంచరణ్ స్థాయిని పెంచిన సినిమా రంగస్థలం..సుకుమార్ కెరీర్ లో రంగస్థలం మైల్ స్టోన్ మూవీగా నిలిచింది.. ఆ తరువాత సుకుమార్ తన ఫేవరెట్ హీరో అల్లు అర్జున్ తో తెరకెక్కించిన పుష్ప సినిమా పాన్ ఇండియా వైడ్ ఎంతటి సంచలనం సృష్టించిందో ప్రత్యేకంగా చెప్పాల్సిన పని లేదు.. పుష్ప సినిమా సుకుమార్ కెరీర్ లో భారీ హిట్ గా నిలిచింది.. ప్రస్తుతం పుష్ప 2 సినిమా కోసం సుకుమార్ కస్టపడుతున్నాడు.. డిసెంబర్ 5 న ఆ సినిమా ప్రపంచవ్యాప్తంగా గ్రాండ్ గా రిలీజ్ కానుంది..