ట్రెండింగ్ లో 'మనసిలాయే సాంగ్ '.. వీడియో అదిరిందిగా..!!
తమిళ్ సూపర్ రజనీకాంత్ ఏడు పదులు వయసు దాటినా అదే జోరుతో దూసుకుపోతున్నారు.. వయసు పెరుగినా కూడా తలైవా స్టైల్ లో గ్రేస్ మాత్రం తగ్గలేదు.. ప్రస్తుతం తలైవా వరుస సినిమాలు చేస్తూ జీట్ స్పీడ్ లో దూసుకుపోతున్నాడు.. గత ఏడాది జైలర్ సినిమాతో తలైవా అదిరిపోయే కం బ్యాక్ ఇచ్చారు.. ఆ సినిమా రజనీకాంత్ కెరీర్ లో భారీగా కలెక్షన్స్ సాధించి అద్భుతమైన విజయం సాధించింది.. జైలర్ తరువాత తలైవా గెస్ట్ పాత్రలో నటించిన లాల్ సలామ్ మూవీ డిజాస్టర్ గా నిలిచింది.. ఆ తరువాత తలైవా జై భీమ్ ఫేమ్ టి.జె.జ్ఞానవేల్‌ దర్శకత్వంలో ‘వేట్టయాన్’ మూవీలో నటించేందుకు గ్రీన్ సిగ్నల్ ఇచ్చాడు.. అలాగే స్టార్ డైరెక్టర్ లోకేష్ కనగరాజ్ డైరెక్షన్ లో తలైవా కూలీ అనే సినిమాలో కూడా నటిస్తున్నాడు..‘వేట్టయాన్’ మూవీ ఇటీవల షూటింగ్ పూర్తి చేసుకొని దసరా కానుకగా అక్టోబర్ 10 న గ్రాండ్ గా రిలీజ్ అయింది.. సినిమాలో రజనీకాంత్ సూపర్ కాప్ గా నటించారు.. అలాగే టాలీవుడ్ యంగ్ హీరో రానా ఈ సినిమాలో విలన్ గా నటించారు..
సినిమా టాక్ బాగానే వున్నా ‘వేట్టయాన్’ తెలుగు ప్రేక్షకులకి అంతగా కనెక్ట్ కాలేదు.. కానీ ఇందులో తలైవా ఎలివేషన్ కి వచ్చే బ్యాక్గ్రౌండ్ మ్యూజిక్ మాత్రం అదిరిపోయింది.. జైలర్ సినిమాకు అదిరిపోయే మ్యూజిక్ ఇచ్చిన అనిరుధ్ ఈ సినిమాకు సూపర్ మ్యూజిక్ అందించారు.. ముఖ్యంగా ఈ సినిమాలో సూపర్ హిట్‌ అయిన సాంగ్ 'మనసిలాయో'. తాజాగా ఈ పాట వీడియోను మేకర్స్ యూట్యూబ్‌లో విడుదల చేశారు. టి.జె.జ్ఞానవేల్‌ తెరకెక్కించిన ఈ చిత్రంలో అమితాబ్‌, ఫహద్‌ ఫాజిల్‌, రానా, మంజు వారియర్‌, రితికా సింగ్‌, దుషారా విజయన్‌ కీలక పాత్రలు పోషించారు.చాలా సింపుల్‌ కొరియోగ్రఫీతో దినేశ్‌ ఈ సాంగ్‌ను క్రియేట్‌ చేశారు. ఈ పాట మీద సోషల్ మీడియాలో ఎన్నో రీల్స్‌ వచ్చాయి. సోషల్‌మీడియాలో ఇప్పటికీ ఈ సాంగ్ సూపర్ ట్రెండ్‌ అని చెప్పాలి .ఈ పాటలో రజనీకాంత్‌తో మంజు వారియర్‌ వేసిన స్టెప్పులకు ఫ్యాన్స్‌ ఫిదా అయిపోయారు.మలయాళంలో ఎన్ని సినిమాలు చేసినప్పటికీ రాని క్రేజ్ ఈ ఒక్క పాటతో మంజు వారియర్‌ ఊహించని క్రేజ్ అందుకున్నారు..