'సత్యం సుందరం'లాంటి హిట్ ను.. వదులుకున్న టాలీవుడ్ హీరోలు వీళ్లేనట?
ఈమధ్యకాలంలో విడుదలైన చిత్రాలలో మంచి ఫీల్ గుడ్ అనుభూతిని కలిగించిన చిత్రం 'సత్యం సుందరం' అని చెప్పుకొని తీరాలి. 'దేవర' చిత్రం విడుదలైన ఒక్క రోజు ముందు ఈ సినిమా విడుదల కాగా కార్తీ ఎందుకు ఇంత రిస్క్ చేస్తున్నాడు? అని అంతా అనుకున్నారు. కానీ కంటెంట్ ఉన్న సినిమా ఎలాంటి పరిస్థితిలో విడుదలైన సూపర్ హిట్ అవుతుందని ‘సత్యం సుందరం’ మరోసారి నిరూపించింది.
అవును, ఈ చిత్రంలోని అనేక సన్నివేశాలు ప్రేక్షకుల హృదయాన్ని గట్టిగా హత్తుకున్నాయి. కార్తీ, అరవింద్ స్వామి మధ్య జరిగే సంభాషణలు అయితే ఆడియన్స్ కి నవ్వు రప్పించడమే కాకుండా, ఒక్కోసారి కన్నీళ్లు కూడా పెట్టించాయి. ఇది ఇలా ఉండగా రీసెంట్ గా ఈ సినిమాని నెట్ ఫ్లిక్స్ లో విడుదల చేయగా, థియేటర్స్ లో వచ్చిన రెస్పాన్స్ కంటే, ఓటీటీ లో వచ్చిన రెస్పాన్స్ పదింతలు ఎక్కువగా ఉందని నిర్వాహకులే చెబుతున్నారు. దాంతో ఈ చిత్రాన్ని చూసిన ప్రతీ ఒక్కరు సోషల్ మీడియాలో మన తెలుగు హీరోలు ఎందుకు ఇలాంటి సినిమాలు చేయరు? అంటూ వాపోతూ కామెంట్స్ చేస్తున్నారు.
ఈ క్రమంలోనే ఈ సినిమా చేయడానికి తెలుగులో ఎవరిని అదృష్టం వరించిందని మాట్లాడుకుంటున్నారు. ఈ చిత్రాన్ని డైరెక్టర్ ప్రేమ్ కుమార్ ముందుగా తెలుగులో తీయాలని అనుకున్నారట. అనుకున్నదే తడవుగా విక్టరీ వెంకటేష్ కి ఈ కథని చెప్పగా, ఆయన మొదటి సిట్టింగ్ లోనే ఒకే చెప్పారట. ఇంకో హీరో క్యారక్టర్ కోసం నేచురల్ స్టార్ నాని పేరు చెప్పగా అద్భుతం, వెంటనే అతనికి కథ వినిపించు, ఒప్పుకుంటే డేట్స్ కేటాయిస్తాను! అని వెంకటేష్ చెప్పారట. అయితే ‘దసరా’ మూవీ షూటింగ్ జరుగుతున్న రోజుల్లో ఈ కథని వినిపించగా కథ చాలా బాగుంది, నాకు చేయాలని ఉంది, కానీ ‘దసరా’ తర్వాత నేను వివేక్ ఆత్రేయతో సినిమాకి కమిట్ అయిపోయి ఉన్నాను. ఆ తరువాత ఈ సినిమా చేద్దాం! అని నాని అన్నాడట. దాంతో దానికి బాగా సమయం పడుతుండడంతో డైరెక్టర్ ప్రేమ్ కుమార్ తమిళ హీరోలను పెట్టి తీయడం జరిగింది. ఆ తరువాత ఫలితం అందరికీ తెలిసిందే.