పవన్ ఫ్యాన్స్ కి డిసప్పాయింట్.. ఊరించి ఊరించి వదిలేశారు..?
పవర్ స్టార్ పవన్ కళ్యాణ్ గురించి ప్రత్యేక పరిచయం అవసరం లేదు. పవన్ కళ్యాణ్ చాలా కాలం క్రితం హరిహర వీరమల్లు అనే సినిమాను మొదలు పెట్టాడు. ఈ మూవీ మొదలు అయిన కొంత కాలానికి పవన్ కళ్యాణ్ "భీమ్లా నాయక్" అనే సినిమాను మొదలు పెట్టాడు. పవన్ ఆ సినిమాపై కాస్త ఎక్కువ ఆసక్తి చూపడంతో ఈ మూవీ దర్శకుడు అయినటువంటి క్రిష్ జాగర్లమూడి కూడా కొండపొలం అనే సినిమాను మొదలు పెట్టాడు. ఆ తర్వాత పవన్ ఆ వైపు భీమ్లా నాయక్ పూర్తి చేయగా క్రిష్ "కొండపొలం" సినిమాను కంప్లీట్ చేశాడు. ఆ తర్వాత మళ్లీ హరిహర వీరమల్లు సినిమాను స్టార్ట్ చేశారు. ఇక కొంత కాలానికి మళ్లీ ఈ సినిమా ఆగిపోయింది. ఇలా ఈ సినిమా చాలా సార్లు ఆగిపోవడంతో క్రిష్ ఈ మూవీ దర్శకత్వ బాధ్యతల నుండి తప్పుకున్నాడు. దానితో రూల్స్ రంజన్ మూవీ దర్శకుడు అయినటువంటి జ్యోతి కృష్ణ ఈ సినిమాను ప్రస్తుతం రూపొందిస్తున్నాడు.
ఇకపోతే ఈ సినిమాను వచ్చే సంవత్సరం మార్చి నెలలో విడుదల చేయనున్నట్లు ఈ మూవీ బృందం వారు ప్రకటించారు. ఈ సంవత్సరం దీపావళి సందర్భంగా విడుదల చేసే ఆలోచనలో ఈ మూవీ బృందం ఉన్నట్లు ఓ వార్త చాలా రోజులుగా వైరల్ అవుతుంది. ఇక ఈ వార్తలను ఈ మూవీ యూనిట్ కూడా ఏ మాత్రం ఖండించక పోవడంతో పవన్ ఫ్యాన్స్ ఈ సినిమా నుండి మొదటి పాట ఖచ్చితంగా దీపావళికి విడుదల అవుతుంది అని భావించారు.
కానీ ప్రస్తుతం అందుతున్న సమాచారం ప్రకారం ఈ మూవీ లోని మొదటి పాటను దీపావళి సందర్భంగా విడుదల చేసే అవకాశం లేదు అని ఓ వార్త వైరల్ అవుతుంది. ఇక ఈ వార్త వైరల్ కావడంతో పవన్ ఫ్యాన్స్ ప్రస్తుతం ఫుల్ డిసప్పాయింట్ అవుతున్నట్లు తెలుస్తోంది.