అమరన్ కు సాయి పల్లవి మ్యానియా !
‘దీపావళి’ రోజున విడుదలకాబోతున్న నాలుగు సినిమాలలో కమలహాసన్ నిర్మించిన ‘అమరన్’ మూవీ పై ఒక్కసారిగా అంచనాలు పెరగడం తెలుగు ఫిలిమ్ ఇండస్ట్రీ వర్గాలకు షాక్ ఇస్తోంది. ఈదీపావళి రేస్ లో సైలెంట్ కిల్లర్ గా ‘అమరన్’ ఖచ్చితంగా హిట్ అవుతుందని కొందరు అభిప్రాయపడుతున్నారు. ఈసినిమాలో పాయింట్ బలంగా ఉండటంతో ఈమూవీ తనకు తెలుగు ఫిలిమ్ ఇండస్ట్రీలో చాలామందికి నచ్చుతుందని ఈమూవీ దర్శక నిర్మాతలు చాల ఆశల పై ఉన్నారు.
ప్రస్తుతం కాలంలో బయోపిక్ మూవీలను ప్రేక్షకులు బాగా చూస్తున్నారు. అమరన్ తనకు లాభాలు తెచ్చిపెడుతుందని ఈమూవీ నిర్మాతలు అంచనాలు వేసుకుంటున్నారు. ఇప్పటివరకు శివ కార్తికేయన్ హీరోగా నటించిన సినిమాలు టాలీవుడ్ ప్రేక్షకులలో అతడికి ఎలాంటి గుర్తింపును తెచ్చిపెట్టలేకపోయాయి. అయినప్పటికీ శివ కార్తికేయన్ దృష్టి టాలీవుడ్ పై ఉంది.
మేజర్ ముకుంద్ వరదరాజన్ జీవిత కథ ఆధారంగా తీయబడ్డ ఈమూవీలో అనేక ట్విస్ట్ లతో పాటు ఎమోషనల్ ఫ్యామిలీ డ్రామా ఉంటుందని సమాచారం. సాయి పల్లవి ఈమూవీలో హీరోయిన్ గా ముకుంద్ వరదరాజన్ భార్యగా సాయిపల్లవి నటిస్తోంది. ఈమధ్య కాలంలో దేశభక్తిని సినిమాలలో సగటు ప్రేక్షకులు బాగా ఎంజాయ్ చేస్తున్నారు. ఈమూవీ అడ్వాన్స్ బుకింగ్ టిక్కెట్లు చాల స్పీడ్ గా వెళుతున్నట్లు సోషల్ మీడియాలో వార్తలు వస్తున్నాయి.
సాయి పల్లవి నుండి సినిమా వచ్చి చాలకాలం అవ్వడంతో యూత్ లో ఆమెకు కొనసాగుతున్న మ్యానియా అమరన్ కు కలిసివచ్చేలా పరిస్థితులు కనిపిస్తున్నాయి. అంచనాలకు అనుగుణంగా ఈమూవీ కలక్షన్స్ విషయంలో అంచనాలను అందుకోగలిగితే శివ కార్తికేయన్ కెరియర్ టాలీవుడ్ ఫిలిమ్ ఇండస్ట్రీలో సెటిల్ అయ్యే ఆస్కారం కనిపిస్తోంది. తెలుగు ప్రేక్షకులకు డబ్బింగ్ సినిమాల పట్ల బాగా ఇష్టం పెరిగింది. ఒకవైపు ఇదే దీపావళికి రాబోతున్న డైరెక్ట్ తెలుగు సినిమాలతో పాటుగా ఒక డబ్బింగ్ సినిమాను తెలుగు ప్రేక్షకులు విశాల్ హృదయంతో ఆదరిస్తే శివ కార్తికేయన్ తెలుగు హీరోగా రానున్న రోజులలో హైదరాబాద్ సెటిల్ అయ్యే ఆస్కారం ఉంది..