ఒకే కథతో మహేష్.. రవితేజ బ్లాక్ బస్టర్స్.. ఇంతకీ ఏం జరిగిందో తెలుసా..?
సినిమా ఇండస్ట్రీలో ఒకే రకమైన కథతో సినిమాలు రూపొందిన స్క్రీన్ ప్లే లో భారీ తేడాలు ఉన్నట్లయితే ఒకే సమయంలో దాదాపు ఒకే రకమైన కథతో సినిమాలు రూపొందిన రెండు బ్లాక్ బాస్టర్ విజయాలను అందుకునే అవకాశాలు ఉంటాయి. అలా తెలుగు సినీ పరిశ్రమలో కూడా మహేష్ , రవితేజ సినిమాల ద్వారా జరిగినట్టు తెలుస్తుంది. కొన్ని సంవత్సరాల క్రితం సూపర్ స్టార్ మహేష్ బాబు హీరోగా భూమిక చావ్లా హీరోయిన్గా గుణశేఖర్ దర్శకత్వంలో ఒక్కడు అనే సినిమా రూపొందిన విషయం మన అందరికీ తెలిసిందే. ఈ సినిమా అదిరిపోయే రేంజ్ బ్లాక్ బస్టర్ విజయాన్ని అందుకుంది. ఈ సినిమాలో హీరో పాత్రల్లో నటించిన మహేష్ బాబు హీరోయిన్ పాత్రలో నటించిన భూమిక ను రక్షిస్తూ ఉంటాడు.
ఈ సినిమా మొత్తం కూడా ఎక్కడ తన కోసం తాను మహేష్ ఏదీ చేసుకోడు. మొత్తం భూమిక పాత్ర కోసం చేస్తూ ఉంటాడు. ఇక సినిమా అద్భుతమైన విజయాన్ని అందుకుంది. ఇకపోతే కొంత కాలం క్రితం రవితేజ హీరోగా మీరా జాస్మిన్ హీరోయిన్గా బోయపాటి శ్రీను దర్శకత్వంలో భద్ర అనే సినిమా రూపొందిన విషయం మనకు తెలిసిందే. ఈ సినిమా కూడా అదిరిపోయే రేంజ్ విజయాన్ని సాధించింది. ఇకపోతే ఈ సినిమాలో కూడా హీరో పాత్రలో నటించిన రవితేజ హీరోయిన్ పాత్రలో నటించిన మీరా జాస్మిన్ కాపాడుతూ ఉంటాడు. తన కోసం తాను ఏమీ చేసుకోడు. కేవలం హీరోయిన్ను విలన్ల భారీ నుండి కాపాడి తనని క్షేమంగా ఉంచడానికి ప్రయత్నం చేస్తూ ఉంటాడు.
ఇక దాదాపు ఈ రెండు సినిమాలు ఒకే కథతో రూపొందిన రెండు కూడా బ్లాక్ బస్టర్ విజయాలను అందుకున్నాయి. ఇకపోతే ఒకానొక ఇంటర్వ్యూలో భాగంగా భద్ర మూవీ నిర్మాత అయినటువంటి దిల్ రాజు మాట్లాడుతూ ... ఒక్కడు సినిమా వచ్చాక భద్ర మూవీని చేయాలా వద్ద అనే ప్రశ్నలు వెల్లువెత్తాయి. కానీ నేను మాత్రం ఒక్కడు స్క్రీన్ ప్లే కు దీనికి సంబంధం లేదు. కాబట్టి ఈ సినిమా హిట్ అవుతుంది అని నమ్మి ఈ మూవీ ని నిర్మించాను అని చెప్పుకొచ్చాడు.