పూజా హెగ్డేను కోలుకోకుండా చేస్తున్న యంగ్ బ్యూటీ.. ఏకంగా అన్నిసార్లు..?
టాలీవుడ్ ఇండస్ట్రీ లో సూపర్ క్రేజ్ కలిగిన యంగ్ హీరోయిన్లలో పూజ హెగ్డే ఒకరు. ఈమె నాగ చైతన్య హీరోగా రూపొందిన ఒక లైలా కోసం అనే సినిమాతో తెలుగు తెరకు పరిచయం అయింది. ఈ మూవీ మంచి విజయం అందుకోవడంతో ఈమెకు ఆ తర్వాత తెలుగు లో వరస పెట్టి సినిమా అవకాశాలు వచ్చాయి. అందులో భాగంగా ఈమె నటించిన సినిమాలు కూడా చాలా వరకు మంచి విజయాలను సాధించడంతో చాలా తక్కువ కాలం లోనే ఈ బ్యూటీ తెలుగు సినీ పరిశ్రమలో స్టార్ హీరోయిన్ స్థాయికి చేరుకుంది. కానీ ఈ మధ్య కాలంలో మాత్రం ఈమె నటించిన సినిమాలు పెద్ద స్థాయి విజయలను అందుకోకపోవడంతో ఈమెకు గత కొంత కాలంగా సినిమా అవకాశాలు కాస్త తగ్గాయి.
కానీ మళ్ళీ ఈమె వరస పెట్టి సినిమాలలో అవకాశాలను దక్కించుకుంటుంది. ఇకపోతే ఈ మధ్య కాలంలోనే ఓ యంగ్ బ్యూటీ వల్ల ఈమెకు రెండు సినిమా అవకాశాలు దగ్గరికి వచ్చి మరి వెళ్ళిపోయినట్లు తెలుస్తోంది. కొంత కాలం క్రితం సూపర్ స్టార్ మహేష్ బాబు హీరోగా త్రివిక్రమ్ శ్రీనివాస్ దర్శకత్వంలో గుంటూరు కారం సినిమా వచ్చిన విషయం మనకు తెలిసిందే. ఈ సినిమాలో పూజా హెగ్డే ను హీరోయిన్గా అనుకున్నట్లు ఆల్మోస్ట్ ఈ బ్యూటీ నే హీరోయిన్గా కన్ఫామ్ అయినట్లు వార్తలు వచ్చాయి.
కానీ చివరి నిమిషంలో ఈ సినిమాలో శ్రీ లీల ను హీరోయిన్గా తీసుకున్నారు. ఇకపోతే పవన్ కళ్యాణ్ హీరోగా హరీష్ శంకర్ దర్శకత్వంలో ఉస్తాద్ భగత్ సింగ్ అనే సినిమా రూపొందుతున్న విషయం మనకు తెలిసిందే. ఈ సినిమాలో కూడా పూజా హెగ్డే ను హీరోయిన్ గా తీసుకున్నట్లు వార్తలు వచ్చాయి. కానీ ఇందులో కూడా శ్రీ లీల ను హీరోయిన్గా ఎంచుకున్నారు. అలా ఈ మధ్య కాలంలోనే పూజా హెగ్డే ను అనుకున్న సినిమాల్లో శ్రీ లీల ను లాస్ట్ కి హీరోయిన్లుగా ఎంపిక చేసుకున్నట్లు తెలుస్తుంది.