గ్రేట్ డైరెక్టర్.. ప్రొడ్యూసర్ పట్టు పట్టిన సినిమా చేయను అని చెప్పేసిన చిరు.. ఎందుకో తెలుసా..?
మెగాస్టార్ చిరంజీవి కెరియర్ లో ఎన్నో బ్లాక్బస్టర్ సినిమాలలో హీరో గా నటించాడు. ఇకపోతే మెగాస్టార్ చిరంజీవి కి అద్భుతమైన విజయాలను అందించిన దర్శకులలో దర్శకేంద్రుడు కే రాఘవేంద్రరావు ఒకరు. ఈయన దర్శకత్వంలో చిరంజీవి హీరో గా రూపొందిన ఎన్నో సినిమాలు అద్భుతమైన విజయాలను అందుకున్నాయి. కొన్ని సినిమాలు ఏకంగా ఇండస్ట్రీ హిట్లుగా కూడా నిలిచాయి. ఇకపోతే చిరంజీవి హీరో గా రూపొందిన సినిమాలలో అద్భుతమైన విజయాలు అందుకున్న కొన్ని సినిమాలను నిర్మించిన వారిలో అశ్విని దత్ ఒకరు.
ఈయన చిరంజీవి తో ఇప్పటివరకు నాలుగు సినిమాలను నిర్మించగా అందులో జగదేక వీరుడు అతిలోక సుందరి , ఇంద్ర సినిమాలు ఇండస్ట్రీ హిట్ లుగా నిలవ గా , చూడాలని ఉంది బ్లాక్ బస్టర్ అయింది .
జై చిరంజీవ సినిమా మాత్రం బాక్స్ ఆఫీస్ దగ్గర బోల్తా కొట్టింది. చిరంజీవి హీరో గా రాఘవేంద్రరావు దర్శకత్వం లో అశ్విని దత్ నిర్మాత గా రూపొందిన జగదేక వీరుడు అతిలోక సుందరి వీరి ముగ్గురి కాంబోలో రూపొంది ఇండస్ట్రీ హిట్ గా నిలిచింది. ఇకపోతే కొన్ని సంవత్సరాల క్రితం చిరంజీవి హీరోగా రాఘవేంద్రరావు దర్శకత్వంలో శ్రీదేవి హీరోయిన్గా అశ్విని దత్ ఓ సినిమా చేయాలి అని ప్లాన్ చేశాడట.
ఆల్మోస్ట్ ఓ కథ కూడా ఓకే అయ్యిందట. కాకపోతే చివరి నిమిషంలో ఈ సినిమా కథలో శ్రీదేవి పాత్ర ఎక్కువగా ఉండడం , అలాగే చిరంజీవి ఆ సమయంలో ఇతర సినిమాలతో బిజీగా ఉండడం వల్ల ఆ కథ తో సినిమాను అని వదిలేసాడట. ఇక ఆ సినిమానే ఆఖరి పోరాటం అని తెలుస్తుంది. ఆఖరి పోరాటం సినిమాను నాగర్జున హీరోగా శ్రీదేవి హీరోయిన్గా రాఘవేంద్రరావు దర్శకత్వంలో అశ్విని దత్ నిర్మించగా ఈ మూవీ బాక్స్ ఆఫీస్ దగ్గర అద్భుతమైన విజయం సాధించినట్లు తెలుస్తోంది.