గేమ్ చేంజర్ : ఒక్క ట్రైన్ ఫైట్ చాలు.. తమన్ హింట్ తో రెచ్చిపోతున్న చరణ్ ఫ్యాన్స్..?
మెగా పవర్ స్టార్ రామ్ చరణ్ తాజాగా శంకర్ దర్శకత్వంలో గేమ్ చేంజర్ అనే భారీ బడ్జెట్ ఇండియా మూవీలో హీరోగా నటించిన విషయం మన అందరికీ తెలిసిందే. ఈ సినిమాకు సంబంధించిన షూటింగ్ పనులు కొన్ని రోజుల క్రితమే పూర్తి అయ్యాయి. ప్రస్తుతం ఈ మూవీ కి సంబంధించిన పోస్ట్ ప్రొడక్షన్ పనులు శరవేగంగా జరుగుతున్నాయి. ఈ మూవీ ని వచ్చే సంవత్సరం సంక్రాంతి పండుగ సందర్భంగా జనవరి 10 వ తేదీన విడుదల చేయనున్నట్లు ఈ మూవీ బృందం వారు ప్రకటించారు. ఇకపోతే ఇప్పటికే ఈ సినిమా నుండి రెండు పాటలను విడుదల చేయగా వాటికి మంచి రెస్పాన్స్ జనాల నుండి లభించింది.
అలాగే కొన్ని పోస్టర్లను విడుదల చేయగా వాటికి కూడా మంచి రెస్పాన్స్ లభించింది. ఈ మూవీ స్టార్ట్ అయ్యి చాలా కాలమే అవుతున్న ఈ సినిమా నుండి వీడియో కంటెంట్ మాత్రం ఇప్పటివరకు మేకర్స్ విడుదల చేయలేదు. ఇకపోతే ఈ సంవత్సరం దీపావళి పండుగ సందర్భంగా ఈ సినిమా యొక్క టీజర్ ను మేకర్స్ విడుదల చేయబోతున్నట్లు ఓ వార్త వైరల్ అయింది. కానీ ఈ సినిమా టీజర్ ను దీపావళి సందర్భంగా విడుదల చేయలేదు. ఈ చిత్ర బృందం వారు ఈ సినిమా యొక్క టీజర్ను సెప్టెంబర్ 9 వ తేదీన విడుదల చేయనున్నట్లు ప్రకటిస్తూ ఓ పోస్టర్ ను విడుదల చేశారు. ఆ పోస్టర్లో చరణ్ ట్రైన్ ట్రాక్ మధ్యలో లుంగీ కట్టుకొని బనియన్ వేసుకొని స్పెడ్స్ పెట్టుకొని కూర్చొని ఉన్నాడు.
ఇక అతని ముందు కొంత మంది ట్రైన్ ట్రాక్ పై పడుకొని ఉన్నారు. ఈ స్టిల్ కి ప్రేక్షకుల నుండి అద్భుతమైన రెస్పాన్స్ లభిస్తుంది. ఇక తమన్ ఈ పోస్టర్ను సోషల్ మీడియాలో పోస్ట్ చేస్తూ ఈ ట్రైన్ యాక్షన్ ఎపిసోడ్ అదిరిపోయే రేంజ్ లో ఉండబోతుంది అని రాసుకోచ్చాడు. దీనితో ఈ సినిమాలోని ఈ యాక్షన్ సన్నివేశం అదిరిపోయే రీతిలో కచ్చితంగా ఉండి ఉంటుంది అని చరణ్ అభిమానులు భావిస్తున్నట్లు తెలుస్తోంది.