మెగా ఫ్యామిలీలో సరికొత్త ఉత్సాహం తెచ్చిన వరుణ్ తేజ్, లావణ్య త్రిపాఠీ జంట..!!
టాలీవుడ్ లో ఎందరో స్టార్ జంటలు ప్రేమించి పెళ్లి చేసుకున్న సంగతి తెలిసిందే.. తాము ప్రేమలో ఉన్నట్లు ఎవరికీ తెలియకుండా సీక్రెట్ రిలేషన్ షిప్ మెయింటైన్ చేస్తూ అందరికీ షాక్ ఇచ్చిన జంటలు చాలా మంది వున్నారు. వారిలో మెగా హీరో వరుణ్ తేజ్-లావణ్య త్రిపాఠిల జంట కూడా ఒకటి…వరుణ్ తేజ్, లావణ్య త్రిపాఠికి మొదటిసారిగా 2017లో వచ్చిన ‘మిస్టర్’ సినిమా ద్వారా పరిచయం ఏర్పడింది. షూటింగ్ సమయంలో ఈ జంట ఎంతో సన్నిహితంగా మెలిగేది..షూటింగ్ తరువాత కూడా వీరు అంతే సన్నిహితంగా వుండేవారు.వారిద్దరి మధ్య స్నేహం కొన్నాళ్లకు ప్రేమగా మారిందీ..అయితే వీరి ప్రేమ విషయాన్నీ ఎవరికీ తెలియకుండా ఎంతో జాగ్రత్త పడ్డారు.. ఆ తర్వాత ఈ జంట ‘అంతరిక్షం’అనే సినిమాలో మరోసారి కలిసి నటించారు.. అయితే ఆ సినిమా సమయంలో వరుణ్-లావణ్య డేటింగ్ లో ఉన్నారంటూ వార్తలు బయటకు వచ్చాయి. ఇక ఆ తర్వాత ఇద్దరూ ప్రైవేట్ పార్టీలలో కూడా కలిసి కనిపించడం.. అలాగే వరుణ్ చెల్లెలు నిహారిక వివాహానికి హాజరైన అతి కొద్ద మంది సన్నిహితుల్లో లావణ్య కూడా ఉండటంతో వీరిద్దరూ త్వరలో పెళ్లి చేసుకోబోతున్నారు అని వార్తలు మొదలైయ్యాయి.
అలాంటి రూమర్స్ మధ్య కొన్నాళ్లు వరుణ్-లావణ్యల డేటింగ్ కొనసాగింది. తర్వాత డిసెంబర్ 15న లావణ్య పుట్టిన రోజు నాడు ఆమెకు వరుణ్ పెళ్లి ప్రపోజ్ చేసినట్లు సమాచారం..ఆ తర్వాత ఇద్దరూ ఇరు కుటుంబ సభ్యులతో మాట్లాడి పెళ్లికి ఒప్పించినట్లు తెలుస్తుంది..అయితే ఈ విషయాలన్ని ఎవరికీ తెలియకుండా జాగ్రత్తపడ్డారు.కొన్నాళ్ళకు వీరి ప్రేమను ఇరు కుటుంబాల వారు అధికారికంగా ప్రకటించారు.. అంగరంగవైభవంగా వీరి నిశ్చితార్దం జరిగింది..నవంబర్ 1 2023 న వరుణ్ తేజ్-లావణ్య త్రిపాఠి ఇద్దరూ వివాహ బంధంలోకి అడుగుపెట్టారు. ఇటలీలో వీరి వివాహం వేద మంత్రాల సాక్షిగా ఎంతో అంగరంగ వైభవంగా జరిగింది. ఇరు కుటుంబాలతో పాటు బంధువులు, స్నేహితుల సమక్షంలో లావణ్య త్రిపాఠి మెడలో వరుణ్ తేజ్ మూడు ముళ్లు వేశాడు.ఇదిలా ఉంటే వరుణ్ తేజ్, లావణ్యల వివాహం జరిగి ఏడాది పూర్తి కావడంతో తాజాగా వరుణ్ తేజ్ వారి వెడ్డింగ్ వీడియోను విడుదల చేసారు..